Aposel 2:24-29

²⁴Ika e God i akamtur ulak pasi, pa i kepsen a kankan ona minat kusuni, anasa a minat bel i toh pasi sur ir tong akesi.

²⁵E Dewit ka atong tari o e Iesu mang, ‘A tasmani mang a Leklek i kes tetek iau. Bel ar koloron, anasa i kes te na sot a kuk.

²⁶A balak i gas kol, pa a warwara taum ana gasgas, pa a tortorot mang a palaok bel ir laulau tikin,

²⁷anasa bel ur noren sen iau ting na kulam a minat, pa bel ur saran tar esining anumi, sur ir marase.

²⁸U ka asangan tar iau ana ngasla sur a lalaun. Ning ar kes taum hom, ur abukus iau ana gasgas.’

²⁹“Na tastasikla, ar warwara talapor tetek mulo o e Dewit, a tubundala tagun nating. I mat pa di akasi ting na kulam a minat, pa anuna kulam a minat kanet tan dala tuk onone.