Hechos 2:24-29

²⁴Sunkana Diosne ussa irɨttas kakulninta. Jesúsne irɨtpa izpul ɨmtura nukkulsachi, kajchira sɨptɨtmikakana.

²⁵Davidkas Jesúspa kwinta kit kit ka kaizta: ‘Nane ap Anpatta na iztukin iztau. Usne ap makin uz, awa nawa ishkumanpa.

²⁶Katmizna ap kaijchu watsal ish. Mane watsal pit pararau ap pitkasa. Katmizna mane nakas Diosta tɨriz kit wat kwaizkulnash.

²⁷Nune, ap Diosne, ap izpulta irɨttukin kwaimanazi. Nune nawa, up kiwainmumikasha, pashit kit ap ñara pɨtninmanazi.

²⁸Nune nawa chiyura num mi kamtara, pailta payu uznapa. Nune nakasa uz, na wat tuanpa,’ kizta.

²⁹Cristora piantuz mintain. Nane uruza Davidpa au irɨt Taittawa, nil kwinta kitpaish. Us irawane, uspane ussa kamara. Us kamkin aukasa kashain tu.