Aposel 2:24-29

²⁴Ma doŋtom Wapômbêŋ hik yani liŋ ba haviyô hathak loŋbô ba hawa yani vê hêk ŋama anêŋ vovaŋ bêŋ ek malê nena ŋama miŋ hatôm embaloŋ yani loŋ ami.

²⁵Devit bôk hanaŋ hathak yani nena, “‘Yahayê Anyô Bêŋ hamô haviŋ ya wak nômbêŋ intu sapêŋ. Yani hamô habobo ya ba intu miŋ hatôm nômlate esale ya thô ami.

²⁶Aêŋ ba yaleŋmavi anôŋ ba yahabôya. Ma yaleŋviŋkupik hêv ma.

²⁷Ek malê nena tem miŋ ôndô ya êmô ŋê ŋama iniŋ loŋ ami, ma tem miŋ otak anêm Anyô Matheŋ ek epalê ênjêk siô ami.

²⁸Bôk huik loŋôndê lôkmala thô hadêŋ ya yôv, ma tem yamô imbiŋ o ba undum yaleŋmavi anêŋ dôêŋ.’

²⁹“Aiyaŋ thêlô, yahanaŋ avanôŋ biŋ nena bumalô Devit bôk hama ba elav yôv. Ma anêŋ siô êntêk hêk denaŋ aleba lêk.