Dad Nimò 2:24-29

²⁴Kabay nték sa kenen Dwata na falwaan mdà di fati, du là gmagan i fati magot kenen.

²⁵Du ani kagdohò i gman Dabid gablà ku Dyisas, manan, ‘Gadègu Amugu tagnè samnagin deg, du dini kenen di kwanangu, én duengu là likò.

²⁶Na én duen i nawagu too lehew, na dnayengu Dwata, na balù mati i lawehgu ani, knean nun fatangu,

²⁷du laam agu tagak déén di gumnè i dad mati, na laam faloh ku balok laweh i To Landè Salà i kanbongam nawa.

²⁸Tafgadeam di deg kibògu mfun nawa landè sen, na mdà di kasnaginam deg, fananoam agu klehew.’

²⁹“Dad flanekgu, toogu man ani di gamu ani gablà di tbulito Dabid. Tamati kenen na talbang, na nun fa lbangan kel di duh ani.