Hechos 2:24-29

²⁴Perë tsana guti Jesús, bëldishtë́ Dios lëꞌë më ladi ra tëgulë. Adë bëꞌnë galguti gan nasëaꞌnë lëꞌë më purquë napë më pudërë parë guashtë́ më ladi ra tëgulë.

²⁵Guahietë bëquëꞌë rëy David shcuendë Jesús zdëꞌë: Siemprë rnahia lu Dadë. Cabezënuhia lëꞌë më, nu lëꞌë më cabezë ladë ldi shtëna. Con lëꞌë më adë chu guësëníꞌbidiꞌi na.

²⁶Por ni nanú nilli lduaꞌa nu biadiꞌdza ra dizaꞌquë nabësëquitë lduꞌu ra mënë. Rialdí lduaꞌa si talë gatia, guëziꞌi lduaꞌa. Adë bë gáquëdiꞌi shcuerpa,

²⁷purquë lë́ꞌël adë guësëáꞌnëdiꞌil shcuerpa ladi ra tëgulë. Nu adë guësáꞌnëdiꞌil gau guiuꞌu shcuerpa purquë nahia shínil narac shtúꞌul.

²⁸Bëluaꞌa na nezë zaꞌquë catë nezë napa vidë sin fin. Nalë́ rquitë lduaꞌa iurë guëquëreldënúa lë́ꞌël.

²⁹’Rniaꞌa lu të Dadë, cusë clarë nahin. Shtadë guëlú hiaꞌa David, gútiꞌ nu bëgáꞌchiꞌ. Pues catë nagaꞌa baꞌa shtë́hiꞌ grë hiaꞌa nanë́ hiaꞌa catë nagaꞌa baꞌa.