Hechos 2:24-29

²⁴Ába leséfuruni Búngiu lídaangiñe lubáfu oúweni, sarágüda lumúti lúnya labágaridun, ladǘga siñá lan gabáfu lan oúweni luágu.

²⁵Laríñajare urúei Davíd, dan le ladímurejan luágu Jesúsu. Subúdi numúti luágu númabei lan Nabúreme Búngiu súnwandan, noúbagiñeñein lun úa lan ni cáta lun lebélaagüdün anúfudei nídoun.

²⁶Ligía lébubei téjerajan nanígi, ába nadímurejan luágu ugúndani le nídaanbei. Láu sun wügǘri nan garaǘwarügüti, jeménigitina buágu luágu nabágaridayaba lan,

²⁷ladǘga mígirun bubóun nuwáni lídan jabára jiláaña, mígirun amǘrüme lun lañáladun núgubu, áu le bánigu le jínsiñebei bun.

²⁸Arúfuda bumúti ǘma le anǘgübei gürígia lídoun ibágari magúmuchaditi nun, áni babuínchagüdǘbadina láu ugúndani láu abúnja lan nubádu.

²⁹‘Nidújeñu, cátei furáanguti le, luágu jilá lan meja wadúje Davíd, bunáwa ligía, gayáraagili waríjini lumúaja chülǘ lúmoun wéyu le.