Golle Nulaaɓe 2:24-29

²⁴Ammaa Laamɗo iirtinii mo, itti mo e naawalla maayde, sabo maayde ndeen waawaano tiigaade mo.

²⁵Si goonga du, inan ko Daawda haali dow makko, wi'i: «Wakkati fuu miɗo yi'a Joomiraaɗo na wondi e am. Imo woni gere nyaamo am, faa taa mi diwna kulol.

²⁶Saabe majjum ɓernde am seyake, ɗemngal am na mana, faa ɓanndu am du waaltoo dow jikke celluɗo,

²⁷sabo a yoppataa yonki am hakkunde maayɓe, a accataa Ceniiɗo maa oon nyola.

²⁸A anndinii kam laabi nguurndam, a hebbinan kam seyo sabo aɗa wondi e am.»

²⁹Piyeer ɓeydi katin, wi'i: —Sakiraaɓe, miɗo haalana on laaɓal haala maami en Daawda: o maayii, o uwaama, saabeere makko ndeen ina woni ɗo meeɗen ɗo faa hannden.