Ezekiel 28:3-11

³Egkeisip nu he edhuna ke pa he metau ki Daniel, ne wazà id-eles he kenè nu egketuenan.

⁴Pinaaǥi te ketau nu wey keuluwanen midsepian ka wey neketiǥum ka te mahabet he menge vulawan wey pelata ziyà te teleǥuey nu te ketiǥeyunan nu.

⁵Ne pinaaǥi zaan te ebilidad nu te kednigusyu, neumanan pa is ketiǥeyunan nu, ne tenged te ketiǥeyunan nu nehimu ka he mepelevawen.

⁶Umbe, iyan a, is Nengazen he MEGBEVAYÀ migkaǥi te: Geina te mid-isip nu he metau ka iring te Megbevayà,

⁷ibpesurung ku sikew te menge ebpuun diyà te zuma he lugar, he utew mesipala kenà te ebpemuun diyà te langun he menge nasyun. Edèdeetan dan is kekempet he naangken nu tenged te ketau nu, ne egkaawà is dengeg nu.

⁸Mesakit he kemetayen is ibpatey nu, ne edlenezen ke zan diyà te kinezeleman te zaǥat.

⁹Ne ed-ahaan ta ke ebpekekaǥi ke pa ǥihapun diyà te etuvangan te menge edhimatey kenikew te Megbevayè ka. Etew zà is ked-isipa zan kenikew ne kenà Megbevayà.

¹⁰Iyan edhimatey kenikew is ebpuun diyà te sengelulugar en. Iring is kemetayen nu te kemetayen te etew he wazà medtuu kediey. Egkeula-ula iyan heini, su iyan a, is Nengazen he MEGBEVAYÀ, is migkaǥi kayi.”

¹¹Mid-uman megkaǥi is Nengazen kayi te kedì te,