2Israel kau nia togotogo agaia, te gonighau. Mi ghau Jerusalem, kau nia rivurivu nimiu na vunaghi haba.
3Kau nia ghavaighavai na holohabana na ahana, nia na uvete mana ghalevu.
4Gaia Lord te nira togotogo nina vure. Me pitiuluadira tara talumuri nia na pitiulu ni vola.
5Lubatira tara kikinima kara rivurivu na talu habana, gaira kara linge togotogo tana malei ghimedira.
6Na lei nina holohaba God ke kabu tana mangadira, mana ivi te vanga tana limadira.
7Ke matera nia ma kara nia bubuto na lei kema, na deteadira na lei tinoni.
8Kara pitira na lei vunaghi nia na tali, ma didira tinoni uhuhuli nia na tali halo.
Buka Linge 149
Buka Linge 149:2-8