Kap 149:2-8

²Israel amɨn ji Piŋkop da wasagɨt, do but galak nandaŋ ɨmni. Saion kokup pap amɨn ji Kɨla Amɨn Madepji do kɨsɨk kɨsɨk ani.

³Kap aŋek mani yaŋ aŋkɨsini. Tambarin gat ae gita gat tɨdaŋek mani aŋkɨsini.

⁴Yawe da mɨŋat amɨn kabɨni do galak taŋ yomɨsak. Aŋek amɨn iyɨ do nandaba pɨŋbi aŋ uŋun yokwikon baŋ tɨmɨkdak.

⁵Yaŋ asak, do mɨŋat amɨn kabɨni but dasi yolgaŋ uŋun kɨsɨk kɨsɨk ani dosi nandɨsat. Dɨpmɨn potpot tamokon kɨsɨk kɨsɨk kap yoni.

⁶Piŋkop yaŋ aŋkɨsiŋek emat agak sɨba geni tepmɨsi baŋ tɨmɨgek

⁷Amɨn Ŋwakŋwarɨ Kabɨ gat emat wamaŋek yo yokwisi aŋ yomɨŋek pabɨŋ yopni dosi nandɨsat.

⁸Aŋek ain nap baŋ kɨla amɨn madepni gat ae kɨla amɨni gat dakon kandap paŋteban ani.