Mbouŋ To Yes Israela 149:2-8

²Yam Israela, lolomim poia pani. Pa i ta ighur gham. Yam tamtamon to Zion, tintinmim pa kinik tsiam.

³Ator ve apait Yoova eeza. Atok kakaap, ve arav gita to apakuru.

⁴Pa Yoova tintini kat pa tamtamon tooni. Yes tau titatan tauzi ve tinumeera na, i ipapakur zi, ve ighamgham mulin zi pa pataŋani toozi.

⁵I igham zi tiliiv koiazŋa. Tauvene yes tau lolozi isaghav Yoova ve titaghon ŋgar tooni na, lolozi poia ve tintinizi. Saawe tau tigheen ila niazi to ghenooŋ, timboumbou ve tipapaiti.

⁶Yes tipapait Maaron eeza izala kat. Paitooŋ toozi ighengheen ila avozi irau saawe. Ve tikis mbuzaagh maata ru ila nimazi.

⁷Leso tighur atuya pa nugh nugh tau tighamgham sosor ila Maaron maata na, ve tiyat ŋgar toozi saghati.

⁸Pale tikis kinik to nugh nugh tomania pooza toozi, ve tikau zi pa sen ariaŋazi.