Mboe 149:2-8

²Niom Israel, leleyom ambai pini. Pa ni ta iur yom. Niom Sion koyom, menmeen yom pini. Pa ni ta king tiom.

³Karak mi kapakur Yooba zaana. Kitir kakaaba mi kese kombom be kapakuri.

⁴Pa Yooba, ni leleene ambai kat pa wal kini. Zin wal ta timbotmbot raama pataŋana mi tipase pini men na, ni ko ikamke zin, mi ikam zin ma nin se.

⁵Tana zin wal tau tiurur lelen pa Yooba mi titoto mbulu kini, nako lelen ambai mi nin se. Pa ni ko ipakur zin, mi ikam zin ma tilip. Mi sombe tilek kumbun pini be tisuŋ, nako kalŋan isala mi tipakuri raama menmeen zin.

⁶Mboe pakurŋana ko imbot la kwon, mi buza mata mbaaru imbot la naman keteene,

⁷bekena tipokot mbulu sananŋana kizin karkari mi tiur kadoono pa kan koi bizin.

⁸Ko tipo zin king kizin pa re mbolŋan, mi tipo zin peeze kan kizin pa sen ta tiurpe pa ain na.