2Ko holopangotia nigua na kokoeliulivuti te vagha na ghaiuruuru, tu nia sukaghi vanigho, na limagu te talu datoa te vagha na mane sukaghi tana nulavi.
3Ko taghaoi na bosagu Ghe Lord, mo ko kaputighi na ghidugu.
4Ko bei lubatiu gea, ge ku ghanaghanai na lei totobo dika, puku paipabira kolu tana lei gehegehe te mua uto, puku haidu kolu itadira te malumu vanira na lutu hahi.
5Lubatira nina vure God, ge kara lioliogha, na pukuna na righitaoni papabe, ke vagha kara rutu vaniu ke, mo ko bosa togholuvura, na pukuna na kikinima na kiukisuna. ko bei lubatiu ge ku nighi hughu. Inau tu mua mautu na kokoeliulivutiani didira na gehegehe mana nilabudira te dika.
6Kara nia rabo horu vaho tua tana vatu, didira na lei mane nagho, vaho ge kara rongovighi vakodoi na bosagu, ma kara sodoa ga na togotogo.
7Te vagha na tinoni puku leghai, te maghuraa na pari, ge soni tatei na vatuvatu, ke vagha ghua keri, na hulidira na lei tinoni dika, kara havukaghi tana matani na lei gilu, tara mua kuku ni tavughiadira.
Buka Linge 141
Buka Linge 141:2-7