SALMOS 141:2-7

²Xijseli notlamaijtolis queja elisquía copali tlen quitlatíaj moixtla, huan quema nimomatlalana para nimitzhueyimati, xiquita queja se tlacajcahualistli tlen nimitzmactilía ica tiotlac.

³TOTECO, xinechmocuitlahui para ma ax nicamati quej hueli. Xinechpalehui para nimocamatzacuas.

⁴Amo xinechcahuili nijnequis tlamantli tlen ax cuali. Amo xinechcahuili ma niquinpalehuis tlaixpanoca tlacame ica tlen quichihuaj. Ma ax niquixtoca nijcuas nopa cuali tlamantli tlen quipiyaj.

⁵Quema monequi se nechtlalnamictis, xijchihua para tlen monejnemiltíaj xitlahuac moixtla ma nechtlatzacuiltica. Ya nopa niquitasquía queja se tlamantli cuali tlen nechchihuilíaj. Intla tlacame tlen cuajcualme nechtlacahualtise, elis queja se pajtli para na. Amo xinechcahuili para nijhuejcamajcahuas inon. Pero na ajachica nimomaijtohua para ma quiselica tlatzacuiltili tlaixpanoca tlacame.

⁶Quema nijchihuas para mocuamimilose inintlayacanca ipan tepexico, quicaquise notlajtol huan quipantise para nelcuali.

⁷Nopa fiero tlacame quiselise tlatzacuiltili huan iniomiyohua quitepehuase ipan campa hueli tlali.