18Paulo ese dina momo Korinto lalonai ia noho, gabeai Keristani taudia dekenai ia bamahuta, lagatoi ta dekenai ia guia, ia lao Suria. Prisikila bona Akwila ia danu idia lao. Lagatoi do ia guia lasi neganai, Paulo ese gwauhamata ia karaia dainai, Kenekrea dekenai iena huina ia utua.
19Idia toiosi Efeso idia ginidae, bona unuseni Paulo ese Prisikila bona Akwila ia rakatania. Ia raka vareai dubu lalonai, Iuda taudia danu ia herevahereva.
20Ia dekenai idia noinoi, nega sisina daudau ia noho idia danu, to ia ese idia edia ura ia abia dae lasi.
21Ia bamahuta henia neganai ia gwau, “Bema Dirava ia ura, lau be do lau giroa mai umui dekenai.” Vadaeni, Efeso dekena amo lagatoi dekenai ia heau lao.
22Kaisarea dekenai ia diho, gabeai ia daekau lao Ierusalema, unuseni ia ese ekalesia taudia ia hanamoa. Inai murinai ia lao Antioka dekenai.
23Nega sisina daudau Paulo be Antioka dekenai ia noho, vadaeni ia toreisi, ia lao Galatia bona Perigia, unuseni Iesu badinaia taudia ia hagoadaia.
APOSETOLO EDIA KARA 18
APOSETOLO EDIA KARA 18:18-23