Acts 24:5-20

⁵Tauai a nelaḡai da wei ravana lamna orana potapotana ma viḡaiḡaiawa tauvikareina mai Jew awarii dobu au anatapuna. Tauna boru vouna e ḡoreḡorei mai Nasaret ai bada.

⁶Taui i ḡoei da Tempol maiteni ita tuvaidoedoei ma lamna aubaina a pani.

⁸Ma rauetarei ma ma nelaḡai da ai viwavu lamna anatapui riwa kaua.

⁹Ma mai Jew Tertelus au murina i mairi ma i riwa, “Wei babani anatapui riwa kaua!”

¹⁰Anina ma Gavena Felix Paul i raumotemotei da ita babani. Paul babani i vikarei i pa: Au bada vinualaulaunam, a aramanei da tam madeḡa biaḡa wei dobuna ai taurauetara lamna aubaina tau ana nuaubau ana babani aubaiu.

¹¹Am rava ina riwem da tau pom ota aupom 12 nanare a ḡeta memei au Jerusalem da Bada ata voepaepai.

¹²Au tauviwavu eḡa ita nelaḡaiu ata viḡaiḡaiawa au Tempol bo au boru-numana bo mepa nanare au Jerusalem.

¹³Ma ai viwavu tau awariu menanare tana aramanei da lamna riwa kaua?

¹⁴Wate riwa kaua da tau amamata ai God a voepaepai ma Bada Iesu ana etanai, a votaḡotaḡoi ma taui e ririwa da wei lamna taparoro morumoruna. Wate nanare Moses tarawatu i girugirumi ma God ana peroveta nununai i girugirumia anatapuna a vivitumaḡanei.

¹⁵Tau God awarina a vitumaḡana guratana me ravai nanare, da tauna muriai rava anatapui iraḡelei ina vilawana-melei, ravai aiaii ma rava apoapoei.

¹⁶Lamna aubaina a kaukauana guratei da orau ina ai rava ma Bada awarii.

¹⁷Jerusalem a netawanei madeḡa biaḡa i kwa ma pom ota a nememei da molamolakai ata puloi ma pulo ata kauei God awarina.

¹⁸Tau aiaiu, maranaina i nelaḡaiu au Tempol viaina pulona a kaukauei. Eḡa patara maiteni ma eḡa visinaviravira.

¹⁹Wate mai Jew ḡelaui Eisia provinsei i nei kampa. Taui mepa marina! Ita nei au naom da ai viwavu ita terei.

²⁰Bo babada weka ita riweta au apoapoe aiwai maranai boru ḡeḡetelarana au naona a mairi.