Waiwia 24:5-20

⁵Pwe je diaradar, me ol men et me morjued o me kin kapeida Juj akan karoj, me mi jappa, o i me jaumaj en pwin likam en Najaret,

⁶Me pil jon kajaminela im en kaudok o, i me je koledi i, pwen kadeikada, duen at kapun o.

⁷A monjap Lijiaj kotin pwarado, kotiki jan i nan pa at ki a manaman lapalap,

⁸Majani on me weiweiloke i, en poto don re omui, a komui lao kalekalelapok re irail, kom pan pein mani duen meakan, me je pan kila i.

⁹A Juj oko pil weiweiloke Pauluj indada: Mepukat melel!

¹⁰A kopina lao olol on Pauluj, en kaparok, a ap kotin japen majani: Ni ai ajaer, me komui jaunkapun pan toun wei wet jaunpar toto, i peren kida, ai pan indinda duen pein nai.

¹¹Pwe komui pan mani, me pon naul ria pon eta, me i kodalan Ierujalem pwen kaudok.

¹²A irail jota diar ia da lokaia on amen nan im en kaudok, de kapeida aramaj oko nan jinakoke kan de nan kanim o.

¹³O re pil jota kak kadede, me re pan kin ia la met.

¹⁴A iet eta, me i men kadede on komui, ni ai kin kamelele karoj, me intinidier nan jaukop akan o kapun o, i kin kaudoki on Kot en jam ai kan duen tiak en ir, me re kaadaneki pwin likam.

¹⁵O i kaporoporeki Kot me irail pil kamelele me melar akan pan maureda, me pun o me japun kan.

¹⁶A i me i kin jojonki pein nai, pwe lol i en pun mon Kot o aramaj akan.

¹⁷A murin par toto i kodon wa don toun jap wet kijakij eu o wiadar mairon.

¹⁸I anjau, me re diar ia makelekeladar nan im en kaudok o jota weriwer de moromoron.

¹⁹A ir pukat Juj akai nan Ajien menda re jota mi met mo ’mui, kadede nai, ma re diar me jued kot re i?

²⁰De mepukat en pein kajanjaleda japun da, me re diar re i ni ai mi mon kapun o.