Acts 24:5-20

⁵Kug pir’eged e re mo’on ney ni be magawonnag e girdi’; ke k’aring e wagey u fithik’ piyu Israel i yan u gubin yang u fayleng, me ir e be yog e thin ko fare raba’ i girdi’ ni Nazarene.

⁶Ma ku errogon ni guy rogon ni nge rin’ u Tempel e tin ndab nrin’, ma gamad kol nggu feked.

⁷temp

⁸Fa’an ga ra fith e re mo’on nir, ma ga ra nang rok urngin e pin’en ni gamad be yog nike kirebnag.”

⁹Ma piyu Israel e ku errogon e thin ni karogned ya ke lungurad e ba riyul’ e pi thin ney ni urngin.

¹⁰Ma aram me fanathin fare governor ngak Paul ni nge non, me ga’ar Paul: “Kug nang ni ga be par ni gur e tapuf oloboch ko re nam ney nike yo’or e duw, ere kug felan’ ngay ni nggu ayuwegneg u p’eowchem.

¹¹I gur rom mrayag ni ngam gay ngam pir’eg ndawori pag ragag nge l’agruw e rran nap’an ni gu wan nga Jerusalem ni nggu meybil ngak Got.

¹²Ma piyu Israel e dar pir’eged gag u Tempel ni gu be tugthin ngak be’, ara ra pir’eged gag ni gu be k’aring e wagey ngak e girdi’ u lan tafen e mu’ulung rorad ara u bang u lan binaw.

¹³Ara ra daged e mich ko tin be’er ni karogned e chiney nib togopluw ngog.

¹⁴Ba’aray e tin ni ir: Gu ma meybil ngak fare Got rok e chitamangimad ni kakrom ni gu be fol ko fare Kanawo’ ni be lungurad e de riyul’. Machane ku errogon gag nib mich u wun’ug urngin ban’en ni kan yoloy ngalan e pi Motochiyel rok Moses nge pi babyor rok e pi profet.

¹⁵Ma ta’reb rogon e l’agan’ ni gu be tay ngak Got ko l’agan’ ni be tay e pi cha’ney ngak, ni aram e be l’agan’mad ngak Got ni bayi faseg urngin e girdi’ ko yam’, ni tin ni bfel’ nge tin nib kireb.

¹⁶Ere gu ma guy rogon ni gubin ngiyal’ ni ngu’ug par u p’eowchen Got nge girdi’ ndariy ban’en ni be magawonnag lanin’ug u puluwog.

¹⁷“Nga tomuren in e duw ni ug milekag i yan nda gu moy u Jerusalem, mu gu sul nga Jerusalem ni kug fek bogi salpiy ni nggu pi’ ngak e girdi’ ko nam rog ni girdi’en Kristus mu gu pi’ bogi maligach.

¹⁸Ere nap’an ni gu be rin’ e ren’ey miyad pir’egeg u lan e Tempel ni aram e kug mu’ i ngongliy bangbengen e be’ech nigey ni yima tay ni bod nike yog e Motochiyel. Ma da immoy e girdi’ ni pire’ rog u rom, ma danir wagey.

¹⁹Machane immoy boch piyu Israel u rom nrabad ko nug nu Asia; ni ere yad e susun e ngarbad nga p’eowchem ngrogned ngom e tin yad be leamnag nib togopluw ngog, ni fa’anra ba’ ban’en u wun’rad nib togopluw ngog.

²⁰Ara mog ngak e pi cha’ney ngrogned ko mang e n’en nra pir’eged ni ir e kug bucheg ko ngiyal’ ni ba’aram ni gu wan gu sak’iy nga p’eowchen fare ulung rorad —