27मेको थोव़क थीब ग्रांग्रा दिशो दुम्ब। मेकोमी आ वा मुरशा, चिक्सीचा माल्ब। मिनु मेको नां मरिक्म सम्म ग्रांग्रा दिशो दुम्ब।
28मेकोमी आ हुश यिचा देक्म नोले ७ नाक्ती रिम्चा माल्ब। मिनु मेको नोले मेको ग्रांग्रा मदिशो दुम्ब।
29मिनु ८ नाक्ती मेकोमी ढुकुर निक्शी कि परवा निक्शी चाक्शा, ग्रुम्तीक ताम्बु आ ओव़तीक चढ़ेब आ ङोंइती जाक्चा माल्ब।
30मिनु चढ़ेबमी का पाप आ पर्बम नु का चोशा चढ़ेतीके चढ़ेचा माल्ब। मोपा चढ़ेबमी मेको आ हुश यिशो आ पर्बम परमप्रभु यावे आ ङोंइती मेको आ पर्बम चोव़खो दुम्तीक गेय पचा माल्ब।
31मोपा गे निक्शीमी इस्राएल ङा मुर आन कली ग्रांग्रा दितीक रे ङोन वोतीस। मो मपाइतीसी हना, मेकोपुकीम आं बाक्तीक ताम्बु ग्रांग्रा दिशो सेल्नीम। मिनु मेको आन ग्रांग्रा आ पर्बम बेक्नीम।
32एको ग्रांग्रा दिशो यितीक कि बिउ दोक्शो ग्रांग्रा दिशो दुम्शो वोंइश मुर आ पर्बम चोव़खो सेल्तीके गेय बाक्ब।
33मिनु मथिचा दुम्शो, ग्रांग्रा यिशो वोंइश मुर कि मीश मुर नु ग्रांग्रा दिशो दुम्शो मीश मुर नु इप्ब वोंइश मुर आन कली ग्रांग्रा मदिशो सेल्तीक गेय एकोन बाक्नीम’ देंचा माल्नीसी” देंत।