Lifitikos 15:27-33

²⁷Iö a atapa ekewe mettoch epwe pwal limengau. Iwe, epwe sopuni üfan o tütü, nge epwe limengau tori lekuniol.

²⁸Nge lupwen a ükütiu le pu seni neminewe chan, epwe püsin aawit lon ükükün fisu rän, mürin epwe limöch.

²⁹Iwe, lon awaluen rän epwe angei ruoman lisom are ruoman apansüsün lisom o uweerela ren ewe souasor leasamalapen ewe imw mangaku ia aramas ra churi Kot ie.

³⁰Mürin, ewe souasor epwe eäniir asor eman fän iten asoren tipis, nge ewe eman fän iten asoren kek. Iei usun, ewe souasor epwe föri asoren amusamusen tipis fän mesen ewe Samol mi Lapalap fän iten limengauen neminewe mi pu seni cha.

³¹Iwe, ewe Samol mi Lapalap a üreni Moses pwe epwe aiti ngeni ekewe aramasen Israel usun ar repwe aimwürela seni ekewe mettoch mi alimengaueer, pwe resap mäla lon ar limengau ren ar apiningaua ewe imwenfel seni mangaku mi nom lefiler.

³²Ikkei ekewe allük fän iten eman mwän mi pu seni och chönü ika mi towu seni ewe chan mwän,

³³pwal fän iten eman fefin mi samaun fefin, fän iten eman mwän ika eman fefin mi pu seni och, pwal fän iten eman mwän a kon ren eman fefin mi limengau.