Taha Bapare Sâcmutâc 15:27-33

²⁷Eme moczi wiac i ba bâuac eocmu e wâwânâŋhec ehuc qoruc wiac‐ticne ʒurerâ e jahacne wâc opâ ruarâ sifu wâwânâŋhec jaha juha hae ŋafezejec.

²⁸Me socticne kereŋkeme ʒoaŋ gie bapa 7 wose fezejec; eme irec faicnao ɋaɋackezejec.

²⁹Ʒoaŋ gie bapa 8 ira ine hapâ me buni jajahec rocjofarâ tutumaŋ qoruc bozere motâcko taha bapa râcnezejec.

³⁰Eme taha bapazi taha râeme moc i sâqocne tâtâmire tahare biŋe eha moc izi ine taha bâzire biŋe ezejec. Eme taha bapa e Wofuŋte maio ŋokac wâwânâŋ‐ticnere erâ kiwiric jâoc rozejec.

³¹“Israe ŋic jaŋe tirific‐nane ŋondeŋ‐jeŋicko ŋekac i gâc hecnehuc hâmonʒipiŋte wâwânâŋ‐jeŋicte erâ uŋ sawaŋ ejarezemec.”

³²Ʒi ŋic moc sahac opâ‐ticne wahaocmu me sahac tofa‐ticnao opâ hoŋkehuc wâwânâŋhec eocmu ere sâcmutâc.

³³Erâ sâcmutâc i ŋokac moc mosa dameŋ‐ticne maickeme wâwânâŋhec eocmu, me ŋic ŋokac i me i sahac opâ‐jeŋic wahaocmu jaŋere biŋe, me ŋic moczi ŋokac wâwânâŋhec ehec foocmu ere biŋe wâc mâmâc eocmu.