Levi 15:27-33

²⁷A viri i padoi a maki nga, bara i muto i harena na malunga liu. Muri ge loi a kala vona, ge hilolo ia.

²⁸“Muri na dara i lobo ni tua, ge dava na parava ge polorua, muri bara i matapado.

²⁹Na polotoluna parava ge bole a balu ge rua, ge bole lakea na matana Kape na Vaponga, ge habi na prister.

³⁰A prister ge habia tara ne vona a nihabi na naro hale, i tara ne vona a nihabi gutu-vuro. Na naro iea a prister bara i kavitagua a ngatavine na matane BAKOVI DAGI, a vuhuna i muto na hini i pori vona a dara.

³¹“Muru habi tora a ngava ne huriki a Israel, ri gi matakari kamumu ria na tahuna ri muto na matagu. A mailogu i tabuli na kurukurune ria. Na tahuna ri muto nahea ri gi dili vona, ma ri gi mate, a vuhuna ri vakamutoa a mailogu.”

³²Ra vinara nga, ne vona a bakovi i rali tala a kume na kakaina, a kuve i maguru tala tavula na kapuna, i rata ia i muto.

³³I taki tabu, a ngatavine na tahuna i matai a keva, a kume i rali tala na muduna bakovi, o a ngatavine i pori vona a dara, a bakovi i mahita turana a ngatavine i muto.