52मिनु यहूदीपुकीमी “गे वोलमी सुम्शो बाक्ते, दे गो मुल तुइक्ताक्क। अब्राहाम नु परमप्रभु यावे आ लोव़ पाइबपुकी बेक्तेक्म। गे चहिं ‘सुमी आं देंशो टीबा, मेको गेनायो मबेक्ब’ देंते।
53आंइ किकी पिपी अब्राहाम बेक्माक्त। गे मेको क्येङा ठेयब नवे? मिनु परमप्रभु यावे आ लोव़ पाइब यो बेक्मा बाक्त। गे सु नवे ङा?” देंतेक्म।
54येसुमी “गो ठेयब सेल्साक्यी हना, गो ठेयब मदुम्नुङ। आं आफोमी चहिं आं कली ठेयब सेल्ब। गे आं आफ कली ‘आंइ परमप्रभु यावे’ देंनीनी। यसैया ६३:१६
55गेपुकीमी मेको कली मतुइक्नीनी। तन्न गो तुइक्नुङ। गो ‘मेको कली मतुइक्नुङ’ देंती हना, इन खोदेंशो जोल पाइब दुम्नुङ। तन्न गो मेको कली तुइक्नुङ। मिनु आ शेंशो पाइनुङ। यूहन्ना ७:२८-२९
56इन किकी पिपी अब्राहाममी आं नाक्त जाक्शो तचा दाक्शो बाक्माक्त। मिनु आं जाक्शो तशा ग्येरसाक्व” दे येसुमी देंत।
57मिनु यहूदीपुकीमी “गे मुल सम्म ५० बर्स मजाक्दीश्शो बाक्ते। मिनु अब्राहाम कली तशो बाक्नेवे ङा?” देंतेक्म।