Text copied!
CopyCompare
Tu̱hun sa̱á ña̱ na̱jándacoo Jesucristo nu̱ yo̱: El Nuevo Testamento en el mixteco de Silacayoapan - San Juan - San Juan 8

San Juan 8:52-57

Help us?
Click on verse(s) to share them!
52Já na̱nducú ñehe na̱ cán tu̱hun nu̱ á já na̱cachi na já xi̱hi̱n á: —Viti ndusa cánda̱a̱ ini nde̱ ña̱ ndáca̱a̱n rí quini inún jáchi̱ cáchún ña̱ tá ná caja nde̱ ña̱ cáhu̱n já quéa̱ catacu nde̱ a̱nda̱ ama cáa qui̱vi̱. Joo xíni̱ va̱ha nde̱ ña̱ na̱xi̱hi̱ tá na̱xi̱hi̱ Abraham, tásáhnu jícó nde̱ ta jári na̱ profeta na̱sanduu sa̱nahá na̱xi̱hi̱ na̱.
53Á cáhnu chága̱ yóhó a̱ ju̱ú ga̱ Abraham, da̱ na̱sacuu tásáhnu jícó nde̱, dá já. Mé Abraham na̱xi̱hi̱ da̱ ta jári mé na̱ profeta na̱xi̱hi̱ ri na̱ cán va. Á cájún cuéntá ña̱ cúún da̱ cáhnu chága̱ a̱ ju̱ú ga̱ na̱ cán, dá já —na̱cachi na xi̱hín Jesús.
54Já na̱cachi Jesús já xi̱hi̱n ná: —Tá ná caja cáhnu i̱ mí i̱, co̱ó sa̱ha̱ toho ña̱ cája i̱. Joo Ndióxi̱, tátá i̱ jándicáhnu a ye̱he̱. Ta jári mé ndó cáchí ndo̱ ña̱ jivi mé a̱ cán cúú Ndióxi̱ cája cáhnu ndó.
55Joo co̱ xíni̱ toho ndó yo cúú mé á. Ye̱he̱ xíni̱ yo cúú mé á. Tá ná cachi i̱ ña̱ co̱ xíni̱ toho i̱ mé á, cúú u̱ in da̱ tu̱hún tátu̱hun mé ndó. Joo mé a̱ nda̱a̱ xíni̱ va̱ha i̱ yo cúú Ndióxi̱ ta cája i̱ ña̱ cáchí mé á.
56Ta mé Abraham, da̱ na̱sa̱cuu tásáhnu jícó ndo̱ na̱caji̱i̱ íní da̱ jáchi̱ na̱ñe̱he̱ dá tu̱hun ña̱ quixi ye̱he̱ ñuyíví yóho. Ta a̱ ju̱ú quia̱hva na̱caji̱i̱ ini da tá na̱xini da ña̱ yóho —na̱cachi Jesús.
57A̱nda̱ já cána̱há chága̱ na̱ Israel xi̱hi̱n á já na̱cachi na já xi̱hi̱n á: —Ni i̱vi̱ jícó u̱xu̱ cui̱a̱ co̱ ndáca̱a̱n yóhó viti. Ta ndaja cúú cáchún na̱xinún Abraham, da̱ cúú tásáhnu jícó nde̱ —na̱cachi na.

Read San Juan 8San Juan 8
Compare San Juan 8:52-57San Juan 8:52-57