يۇھاننا 2:3-8

³تويدا شاراب تۈگەپ قالغاندا، ئەيسانىڭ ئانىسى ئۇنىڭغا‫‪:‬‬ ــ ئۇلارنىڭ شارابلىرى تۈگەپ قاپتۇ، ــ دېدى.

⁴ئەيسا ئۇنىڭغا‫‪:‬‬ ــ خانىم، مېنىڭ سەن بىلەن نېمە كارىم؟ مېنىڭ ۋاقتى‫‪‎-‎‬‬سائىتىم تېخى كەلمىدى، ــ دېدى.

⁵ئانىسى چاكارلارغا‫‪:‬‬ ــ ئۇ سىلەرگە نېمە قىل دېسە، شۇنى قىلىڭلار، ــ دېدى.

⁶ئەمدى شۇ يەردە يەھۇدىيلارنىڭ تاھارەت ئادىتى بويىچە ئىشلىتىلىدىغان، ھەربىرىگە ئىككى‫‪‎-‎‬‬ئۈچ تۇڭدىن سۇ سىغىدىغان ئالتە تاش كۈپ قويۇلغانىدى.

⁷ئەيسا چاكارلارغا‫‪:‬‬ ــ كۈپلەرگە سۇ تولدۇرۇڭلار، ــ دېدى. ئۇلار كۈپلەرنى ئاغزىغىچە تولدۇرۇشتى.

⁸ئاندىن ئۇ ئۇلارغا يەنە‫‪:‬‬ ــ ئەمدى بۇنىڭدىن ئۇسۇپ توي باشقۇرغۇچىغا بېرىڭلار، ــ دېدى. ئۇلار ئۇنى ئاپىرىپ بەردى.