Jean 2:3-8

³Ar gwin o vezañ manket, mamm Jezuz a lavaras dezhañ: N'o deus ken a win.

⁴Jezuz a respontas dezhi: Gwreg, petra a zo etre te ha me? Va eur n'eo ket c'hoazh deuet.

⁵E vamm a lavaras d'ar re a servije: Grit kement a lavaro deoc'h.

⁶Bez' e oa eno c'hwec'h lestr-maen, lakaet evit glanidigezh ar Yuzevien, o terc'hel pep hini anezho daou pe dri muzuliad.

⁷Jezuz a lavaras dezho: Leugnit a zour al listri-se; hag e kargjont anezho leun-barr.

⁸Lavarout a reas dezho: Tennit bremañ anezhañ, ha kasit da vestr ar fest. Hag e kasjont.