Juan 2:3-8

³Tsecho binuncuna ushacäquicuptinnam, Jesusta mamänin queno nerqan: —Binuncunam ushacäcurishqa —nishpa.

⁴Jesusnam nerqan: —Mamä, shuyarämë, ama tsepaq yarpacachëtsu. Manaran orä chämunraqtsu —nir.

⁵Mamäninnam tse fiestacho yanapacoqcunata nerqan: —Pe mandayäshonqequita rurayë —nir.

⁶Tsechomi rumipita rurashqa chunca baldi cabeqyan yacu winaränan joqta botjacuna quecarqan. Tse yacutam israel nunacuna costumbrincunamanno Diospaq limpiu cayänanpaq imatapis paqar inishiyaq.

⁷Jesusnam tse yanapacoqcunata queno nerqan: —Que botjacunaman yacuta winayë —nir. Pecunanam yacuta junta junta winariyarqan.

⁸Jesusnam nerqan: —Canan si chaqarcur, camachicu llaminanpaq apayë —nir. Tsenam apayarqan.