Jowãw 2:3-8

³Ti bahä̃nh, tabahëëj jëng uwa bëëh hejoonh doo. Ti m' Jesus ỹỹn ky hadoo Jesus hã: —Ahëëj jëng uwa bëëh hejoonh doo —näng mä Jesus ỹỹn.

⁴Ti m' Jesus ky hadoo ta hã: —Hëd n'aa tii hã ỹ mamaher'oot? —näng mäh. —Dooh takaja nä bä hejój ỹỹ ỹ metëëh doo —näng mäh.

⁵Tii bä m', ta ti tób yt moo bo n'aa hã m' Jesus ỹỹn ky hadoo: —Bë moo boo da sahõnh hẽ bë tamejũũ doo —näng mä ta ỹỹn kyyh sa hã.

⁶Tób yt hã ti abëëh ji ma poo oow see pé naëng hood pä s'ëëb. Sa moo hetsyd, sa waa hood getsyd naëng n'aa. Judah buuj raky n'aa jaw'yyk do ky n'aa né tii. Tamawoob hẽ raat ken'yyh tahyb n'aa pé ta ti ta gabuuj.

⁷Ti m', tii b' moo heb'ooh do sa hã Jesus ky hadoo: —Bë gedu bëh naëng ta hood gó —näng mä Jesus. Ti m' ragedu bëëh sahõnh hẽ.

⁸Ti m' Jesus ky hadoo sa hã: —Bë agób ta uuh. Bë mahũũm jäm kaser n'aa wë —näng mä ta kyyh. Ti m' ramahũũm kän ta wë ta uuh.