Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - كِيتِسَيٍ

كِيتِسَيٍ 20

Help us?
Click on verse(s) to share them!
1عِسِرَيِلَكَيٍ بِرِن، قْلْ دَنَ مَ، سَ دْشْ بٍرِ سٍيبَ نُن فَلَدِ رَ، عٍ نَشَ عٍ مَلَن عَلَ يَ عِ مِسِثَ.
2عِسِرَيِلَ بْنسْييٍ كُنتِفِ بِرِن نُ نَ عَلَ شَ حَمَ شَ مَلَنيِ. سْورِ وُلُ كّمّ نَانِ نُ نَ، عٍ بِرِن قَتَ سَنتِدّفّمَ رَ.
3بُنيَمِنكَيٍ نَشَ عَ كٌلٌن عِسِرَيِلَكَيٍ نُ مَلَنشِ مِسِثَ. عِسِرَيِلَكَيٍ نَشَ عَ قَلَ نَ لٍوِكَ بّ عَ شَ يِ قٍ حَاشِ دّنتّفّ سَ عٍ بّ.
4نَ كُي لٍوِكَ نَشَن مَ فِنّ قَشَشِ، عَ نَشَ عَ مَسٍن عٍ بّ، «مُشُ نُن ﭑ مَ فِنّ نَشَ فِبِيَ لِ بُنيَمِن بْشِ مَ، مُشُ شَ شِ نَا.
5فِبِيَ شّمّيٍ نَشَ كٍلِ ﭑ شِلِ مَ كْي رَ. عٍ نَشَ بَنشِ بِلِن ﭑ نُ نَ دّننَشّ، عٍ شَ ﭑ قَشَ. عٍ نَشَ عٍ وَشْنقٍ رَبَ ﭑ مَ فِنّ رَ هَن نَ قَشَ.
6ﭑ نَشَ عَ قُرٍ عِبٌلٌن بٌلٌن، ﭑ نَشَ عَ شُنتُنيِيٍ رَ سَنبَ عِسِرَيِلَ بْنسْي بِرِن مَ، عٍ شَ عَ كٌلٌن يِ قٍ حَاشِ نَشَن نَبَشِ عِسِرَيِلَ بْشِ مَ.
7يَكْسِ، عِسِرَيِلَكَيٍ بِرِن، وٌ شَ وْيّن، وٌ شَ كِيتِ سَ.»
8حَمَ بِرِن نَشَ لَن عَ مَ مِشِ يٌ نَشَ فبِلٍن عَ شْنيِ،
9قٌ عٍ شَ مِشِيٍ سُفَندِ سِندٍن نَشٍيٍ تٍمَ فِبِيَ شِلِ مَ.
10عٍ نَشَ عَ قَلَ، «شّمّ قُ يٌ شّمّ قُ، وٌن شَ كٍرٍن شّي عَ شَ دٌنسٍ قٍن سْورِيٍ بّ. نَشٍيٍ لُشِ، عٍ شَ تٍ فِبِيَ عٍ شَ وَلِ حَاشِ سَرٍ رَفبِلٍن مّننِكَيٍ مَ، نَشٍيٍ بَرَ قٍ شْنشِ رَبَ عِسِرَيِلَ بْشِ مَ.»
11نَ كُي عِسِرَيِلَ شّمّ بِرِن نَشَ عٍ مَلَن نَ تَا شِلِ مَ.
12عِسِرَيِلَ بْنسْييٍ نَشَ شّيرَيٍ شّي بُنيَمِن شَبِلّ بِرِن مَ، عٍ شَ عٍ مَشْرِن، «يِ قٍ حَاشِ مْولِ دَنفِشِ وٌ تَفِ دِ؟
13وٌ شَ نَ فِبِيَكَ مِشِ حَاشِيٍ سٌ مُشُ يِ رَ، مُشُ شَ عٍ قَشَ عَلَكٌ يِ يُنُبِ شَ بَ عِسِرَيِلَ مَ.» بُنيَمِنكَيٍ نَشَ تٌندِ عٍ نفَشَكٍرٍنيِ عِسِرَيِلَكَيٍ شُي سُشُدٍ.
14عٍ نَشَ كٍلِ عٍ شَ تَايٍ كُي، عٍ قَن شَ مَلَن فِبِيَ عِسِرَيِلَكَيٍ فٍرٍدٍ.
15سَنتِدّفّمَ كَنيِ وُلُ مْشْحّن نُن سٍننِ نُ نَ بُنيَمِنكَيٍ يَ مَ، نُن فِبِيَكَ مِشِ كّمّ سٌلٌقٍرٍ نَشٍيٍ سُفَندِشِ فٍرٍ شِلِ مَ.
16سْورِ يِ مَتِنشِنشِ كّمّ سٌلٌقٍرٍ نُ نَ عٍ يَ مَ، نَشٍيٍ قَتَ فّمّ وٌلِدٍ لَاتِ رَ عٍ كْولَ بّلّشّ رَ. عٍ قَتَ سٍ بِرِن فْنْدٍ نَ رَ.
17عِسِرَيِلَكَ سْورِيٍ سَنتِدّفّمَ كَنيِيٍ نُ لَنشِ شّمّ وُلُ كّمّ نَانِ بَقٍ بُنيَمِنكَيٍ رَ.
18عٍ نَشَ تٍ بٍتٍلِ، عٍ عَلَ مَشْرِن، «ندٍ سِنفٍ تٍمَ مُشُ يَ مَ عَ شَ بُنيَمِنكَيٍ فٍرٍ؟» عَلَتَلَ نَشَ عٍ يَابِ، «يُدَيَكَيٍ سِنفٍ شَ نَ فٍرٍ قْلْ.»

19فّيسّفّ، عِسِرَيِلَكَيٍ نَشَ كُرُ فِبِيَ شِلِ مَ.
20عٍ نَشَ بُنيَمِنكَيٍ فٍرٍ فِبِيَ يَ تَفِ.
21بُنيَمِنكَ نَشٍيٍ كٍلِ فِبِيَ، نٍيٍ نَشَ عِسِرَيِلَكَ وُلُ مْشْحّن نُن قِرِن قَشَ.
22نَ دَنفِ شَنبِ، عِسِرَيِلَكَيٍ نَشَ لِمَنِيَ، عٍ مَن نَشَ تٍ بُنيَمِنكَيٍ شِلِ مَ، عٍ نُ نَ دّننَشّ نَ لْشْي سِنفٍ.
23عٍ مَن نَشَ تٍ بٍتٍلِ، عٍ نَشَ وَ هَن نُنمَرٍ، عٍ قَ عَلَتَلَ مَشْرِن، «عَ لَنمَ مُشُ مَن شَ بُنيَمِنكَيٍ فٍرٍ، مُشُ نفَشَكٍرٍنيِيٍ؟» عَلَتَلَ نَشَ عٍ يَابِ، «وٌ عٍ فٍرٍ.»
24عَوَ نَ شِ قِرِن ندٍ، عِسِرَيِلَكَيٍ مَن نَشَ تٍ بُنيَمِن شَ دِيٍ شِلِ مَ.
25نَ لْشْي بُنيَمِنكَ نَشٍيٍ كٍلِ فِبِيَ نَشَ عِسِرَيِلَ شّمّ وُلُ قُ نُن سٌلٌمَسَشَن قَشَ سَنتِدّفّمَ رَ.
26نَ تّمُي عِسِرَيِلَكَيٍ بِرِن نَشَ تٍ بٍتٍلِ، عٍ نَشَ وَ عَلَتَلَ يَ عِ. عٍ نَشَ سُنيِ سُشُ هَن نُنمَرٍ، عٍ سّرّشّ فَن دَاشِ نُن شَنُنتٍيَ سّرّشّ بَ عَلَتَلَ بّ.
27عٍ نَشَ عَلَتَلَ شَ مَرَ سِ قٍن. نَ وَشَتِ عَلَ شَ سَاتّ كَنكِرَ نُ نَ بٍتٍلِ.
28قِنٍشَسِ، عٍلٍيَسَرِ شَ دِ، هَرُنَ شَ مَمَدِ، نُ عَ حّنفِ سَشِ نَ بِرِن شْن مَ. عٍ نَشَ عَلَ مَشْرِن، «عَ لَنمَ مُشُ مَن شَ تٍ بُنيَمِنكَيٍ شِلِ مَ، مُشُ نفَشَكٍرٍنيِيٍ، كَ عَ لَنمَ مُشُ شَ فٍرٍ لُ نَا؟» عَلَتَلَ نَشَ عٍ يَابِ، «وٌ مَن شَ فٍرٍ سٌ. تِنَ ﭑ عٍ سَمَ وٌ سَفٌي.»
29نَ تّمُي عِسِرَيِلَكَيٍ نَشَ فِبِيَ مّلّن.
30عٍ تٌ تٍ بُنيَمِنكَيٍ شِلِ مَ فِبِيَ يَ تَفِ عٍ نُ نَ دّننَشّ بٌورٍ بِيَاسِ،
31بُنيَمِن شَ دِيٍ نَشَ مِنِ عٍ فٍرٍدٍ. عٍ نَشَ مِشِ تٌنفٌ سَشَن قَشَ بٍتٍلِ نُن فِبِيَ كِرَيٍ شْن مَ.
32بُنيَمِنكَيٍ نَشَ عَ قَلَ عٍ بٌورٍيٍ بّ، «وٌن مَن نَ عٍ بْنبْقٍ نّ يِ كِ عَلْ عَ سِنفٍ،» كْنْ عِسِرَيِلَكَيٍ تَن نُ بَرَ عَ قَلَ عٍ بٌورٍ بّ، «وٌن شَ وٌن مَكُيَ تَا رَ، عٍ شَ بِرَ وٌن قْشْ رَ كِرَيٍ شْن مَ.»
33عِسِرَيِلَ شّمّيٍ نَشَ عٍ مَلَن بَلِ تَمَرِ. نَشٍيٍ نُ نَ فِبِيَ مّلّنقٍ، نٍيٍ قَن نَشَ مِنِ كّنّ مَ.
34عِسِرَيِلَ سْورِ قَنيِ وُلُ قُ نَشَ فِبِيَ فٍرٍ عَ حَاشِ رَ. بُنيَمِنكَيٍ مُ فّشِ عَ كٌلٌندٍ فبَلٌي نُ بَرَ عٍ لِ.
35عَلَتَلَ نَشَ بُنيَمِن بْنسْي بْنبْ عِسِرَيِلَ يَ شْرِ. شّمّ سَنتِدّفّمَ كَنيِ وُلُ مْشْحّن نُن سُولِ، شّمّ كّمّ نَشَ قَشَ نَ لْشْي.
36بُنيَمِن شَ دِيٍ نَشَ عَ كٌلٌن عٍ مُ فٍينِشِ يِ بِيَاسِ. عِسِرَيِلَكَيٍ نَشَ عَ لُ عٍ شَ فبِلٍن فِبِيَ مَبِرِ، بَرِ مَ عٍ عَ كٌلٌن سْورِ فبّتّيٍ نُ نَ عٍ مّلّنقٍ.

37سْورِ نَشٍيٍ نُ فِبِيَ مّلّنقٍ، نٍيٍ نَشَ سٌ تَا كُي كٍرٍن نَ، عٍ مِشِ بِرِن قَشَ سَنتِدّفّمَ رَ.
38عٍ نُ بَرَ لَن عَ مَ عٍ شَ تّ سٌ تَا رَ، تُورِ فبٍفبٍ شَ تٍ كٌورٍ مَ.
39عِسِرَيِلَكَ بٌورٍيٍ تٌ نَ تٌ، عٍ نَشَ عٍ مَقِندِ بُنيَمِنكَيٍ شِلِ مَ. بُنيَمِنكَيٍ تٌ بَرَ مِشِ تٌنفٌ سَشَن قَشَ، عٍ نَشَ عَ قَلَ عٍ بٌورٍ بّ، «وٌن نَ عٍ بْنبْقٍ نّ يِ كِ عَلْ عَ سِنفٍ.»
40كْنْ عٍ تٌ تُورِ تٌ تٍ رَ كٌورٍ مَ كٍلِقٍ عٍ شَ تَا كُي،
41بُنيَمِنكَيٍ نَشَ فَاشُ نَ فبَلٌي يَ رَ. عِسِرَيِلَكَيٍ نَشَ عٍ مَقِندِ، عٍ شَ عٍ فٍرٍ.
42بُنيَمِنكَيٍ نَشَ فبِلٍن عٍ قْشْ رَ، عٍ عٍ فِ فبٍنفبٍرٍن كِرَ شْن مَ. سْورِ نَشٍيٍ نُ نَ تَا كُي، نٍيٍ مُ تِن عٍ شَ عٍ بَ عٍ يِ. عٍ نَشَ بِرَ عٍ قْشْ رَ، عٍ عٍ قَشَ، بَرِ مَ عٍ نُ بَرَ مَكْرّ عٍ رَ.
43عِسِرَيِلَكَيٍ نَشَ عٍ رَبِلِن، عٍ بِرَ عٍ قْشْ رَ فِبِيَ قُفٍ رَ.
44بُنيَمِن سْورِ قَنيِ وُلُ قُ نُن سٌلٌمَسَشَن نَشَ قَشَ نَ فٍرٍ كُي.
45شّمّ وُلُ سُولِ نَشَ قَشَ، نَشٍيٍ نُ بَرَ عٍ فِ فبٍنفبٍرٍن كِرَ شْن مَ، سِفَقٍ رَ رِ مْن فٍيَ مَبِرِ. شّمّ وُلُ قِرِن نَشَ قَشَ، نَشٍيٍ نُ بَرَ عٍ فِ هَن فِدٌ مِ.
46نَ لْشْي بُنيَمِن سْورِ قَنيِ وُلُ مْشْحّن نُن سُولِ نَشَ قَشَ، عٍ بِرِن سَنتِدّفّمَ كَنيِ.
47شّمّ كّمّ سٍننِ، نَشٍيٍ نُ بَرَ عٍ فِ فبٍنفبٍرٍنيِ رِ مْن فٍيَ مَبِرِ، نَشَ لُ مّننِ كِكٍ نَانِ.
48عِسِرَيِلَكَيٍ نَشَ بِرَ بُنيَمِن شَ دِيٍ قْشْ رَ عٍ شَ تَا بِرِن كُي. عٍ نَشَ عٍ قَشَ سَنتِدّفّمَ رَ، شّمّيٍ نُن شُرُ سٍيٍ. عٍ نَشَ تّ قَن سٌ عٍ شَ تَا بِرِن نَ.