ZABURA 60:3-12

³N tò yã zĩ'ũ sù n gbɛ̃nↄa, n ó káka kũ í gbãnao, akũ ótɛn tàtantatan kɛ.

⁴Ama n tuta dↄ̀ n vĩnakɛrinↄnɛ, de ò le ò bo gbɛ̃nↄ ságana lɛ́i.

⁵Ǹ wewá ǹ ó sura ba kũ n gã̀sã gbãnao de ókↄ̃nↄ n gbɛ̃ yenyĩdenↄ le ò bo.

⁶Luda yã ò zaa a kúkia à pì: Mani Sɛkɛmu kpaatɛ kũ kùwikio, mani gba da kũ Suko guvutɛo.

⁷Giliada bùsu bi ma pↄ́mɛ, Manase burinↄ bùsu bi ma pↄ́mɛ, Ɛflaimu burinↄ bùsu bi ma mↄ̀furaamɛ, Yudanↄ bùsu bi ma gòomɛ.

⁸Mↄabunↄ bùsu bi ma ↄpipibↄↄmɛ, madì ma kyate kátɛ Ɛdↄmunↄ bùsun, madì kùwiki dↄ Filisitininↄ bùsuua.

⁹Dí mɛ́ ani gɛ̃ kũmao wɛ̃tɛ bĩnide gũnn? Dí mɛ́ ani domɛnɛ arɛ ari Ɛdↄmunↄ bùsunn?

¹⁰Luda, à de mↄkↄ̃n mɛ́ n ↄ gbàrɛwái, ndì bo kũ ó zĩ̀karinↄ doroo?

¹¹Ǹ ↄ dawá ó ibɛrɛnↄ yãi, zaakũ bisãsiri kpányĩ bi yã pãmɛ.

¹²Óni zĩ̀ ble kũ Luda gbãnao, àkũ mɛ́ ani gɛ̀sɛ pɛ́tɛpɛtɛ ó ibɛrɛnↄa.