GWAY GI IDAWUU’D 60:3-12

³/E ki dhal ’kwanim pini mmo’kosh is ka nyor ki to kun ’batha’ba’th mo, /e ki dhu am me’d ’kwani kun sona du mo gom to kun diṯadiṯ kun ’kosh am mo.

⁴/E ki kar mom pini jin ta’da berag gom uni gwansan kun ḵo/ki /e mo, mmocuna uni ki bimbir ’peni a’di jin ta jiŋ gana/ mo. Doshi ma dhali ’cunycuri yan mo.

⁵Wakan ki unim pini gun ena /e mo minu ’cuḵ mo, c̱iyi mo jin p̱inu mii e ki me’da bim poros pini mo dhali thoḵ am gwo mo.

⁶Arumgimis oki gwo e mom piti jin ḵogu mo. Nyaḵki gway jin yuḵu ki moŋ’kuny bwa mo tani aha/ mina ḵwa/ Pan Shakiim bwa mo dhali dhu uni ka bwanykin ’peni embul ma Sukkuut mo.

⁷Dhala Jil/aad, a’di ta jim pem mo. Dhala Manassa a’di ta jim pem mo. Dhala Ep̱rayim a’di ta toŋ’kup̱ pem mo. Dhala Yahuuda/ a’di ta cwa ma maliḵ pem mo.

⁸Muwab a’di ta mom pem jin ’thurka/ me’d mo. Dhali ap̱o/ Pan Aduum mo tani aha/ yip̱a p̱p̱am pema p̱o/ mo. Dhali ap̱o/ Pam P̱alasthiin mo aha/ mina ’ther cuuwa/ gom mo jin p̱inu mii e mo be.

⁹Kaja a’di imidi sus aha/ e ’peŋkuman bampa/ jin ṯenu gwo mo? Dhali kaja a’di imidi shu aha/ bway mo e Pan Aduum mo?

¹⁰/E a’di idiki waḵ amana, ayy Arumgimis? /E diki ḵal ya ka bor mo, ayy Arumgimis, nyaḵki ’kwani ma meem bam mo.

¹¹Ayy ṯuka bor ma, woṯẖ am mo ’pena p̱o/ ’kwani kun ta ’kup̱ ki am mo, haali/ mowoṯẖ jin ta gi wathi/ mo tani a’di ta jim p̱e’th mo be.

¹²Nyaḵka Arumgimis mo tani ana p̱ina mii e mo haali/ a’di ta a’di jin siri’cki uni gun ta ’kup̱ bana ki sho’k mo.