Pesalem 60:3-12

³Aôm kôkêŋ nêm lau sêôc gêŋwapac ŋasec. Aôm kôkêŋ gêŋ aêac anôm e kêjaŋiŋ aêac.

⁴Aôm gôjac lau, taŋ têtêc aôm naŋ, nêŋ gêbôm su gebe sêkac tauŋ sa ma sêc nêŋ ŋacjo nêŋ talam su.

⁵Ônam nêm lau, taŋ têmtac gêwiŋ êsêac naŋ sa. Nêm anôŋa ênam aêac sa ma ôkêŋ taŋam aêacmêŋmaŋ.

⁶Ŋac dabuŋ Anôtô kêsôm nê biŋ lasêgac gebe “Kaku ŋacjo tulu, tec ôlic kêpigeŋ. Aê gabe janac sam Sikem, gabe janam dôŋ bumaŋ Sukot.

⁷Aê katu Gilead to Manase ŋatau ma Epraim kêtu môkêcapac ŋakululuŋ. Juda kêtu ŋoc gôliŋ.

⁸Moab kêtu laclu jakwasiŋ taucŋa. Aê janu ŋoc atapa su ma jambaliŋ naênsac Edom. Aê oc janam lasê êtu Pilistiaŋa.”

⁹Asa oc êwê aê jasa malac ŋajaŋa jana. Asa oc êwê aê jasa Edom jana.

¹⁰O Anôtô, aôm oc kôtiŋ aêac su me. O Anôtô, aôm oc ôwê aêacma lau siŋŋa atom me.

¹¹Ônam aêac sa êndêŋ ŋacjomaŋ gebe ŋamalac oc sênam aêac sa êtôm atom.

¹²Anôtô êwiŋ aêac, go taku nêŋ ŋacjo tulu gebe eŋ oc êka aêacnêŋ ŋacjo popoc samob.