ZABURA 39:5-13

⁵N ma wɛ̃̀ndi lɛ́ yↄ̃̀ n ↄla lɛ́n, ma kunna de wɛ́ kũ yĩola n kĩnaaro. Gbɛ̃ sĩnda pínki dì gɛ̃tɛ lán ĩa bàmɛ,

⁶bisãsiri tɛna dìgↄ̃ de lán uraa bàmɛ. Àdi kɛ gàragara à aruzɛkɛ kakara, ama à dↄ̃ ke dín ani gↄ̃nɛro.

⁷Tó lɛmɛ, bↄ́ tãmaan manigↄ̃ vĩi? Mↄkↄ̃mmɛ ma wɛ́ donyĩ, Dikiri.

⁸Ǹ ma taarinↄ kɛ̃ma, ǹsun tó yↄ̃nkↄnↄ ma foboro.

⁹Ma lɛ́ nakↄ̃ana, mádi ma lɛ́ wɛ̃kↄ̃aro, zaakũ mↄkↄ̃n mɛ́ n yã bire kɛ̀.

¹⁰Ǹsun ma lɛ́ doro, n okũ tɛni ma ká gaa.

¹¹Ndì gbɛ̃ toto ndì wɛ́ tãa a durunna yãi, ndì a aruzɛkɛ ble lán blɛ́ bà. Gbɛ̃ sĩnda pínki dì gɛ̃tɛ lán ĩa bàmɛ.

¹²Ǹ ma aduakɛna sí Dikiri, ǹ sã kpá ma wikilɛnaaa. Ǹsun sã tata ma ↄ́ↄdↄnaanɛro, zaakũ n nibↄↄn ma ũ, má de gbɛ̃ zĩ̀tↄ ũ lán ma dizinↄ bà.

¹³Ǹ wɛ́ goma de ma pↄ le àgↄ̃ nna dↄ, ari màgↄ̃ gɛ́ andunia tó.