SALMOS 39:5-13

⁵Beno' chia' soa' nbabze ža, na' yiz chia' bi be zej naken ḻawo' Le'. Da' likze bi be zej nak ža chegak benách ka'.

⁶“Da' li zej nak benne' ka' ka to ẕóḻdo'ze. Da' likze dáche'ze zej že' benne' ka' wnné yoe ni'a che yeḻa' nban chégake'. Ẕdan ḻáže'gake' yeḻa' wnni'a, na' bi zej nnezle' no benne' gaken chie'.

⁷Na'a, X̱ana' Dios, ¿biẕkze wx̱én ḻaža'a? Toze Le' žaḻa' wx̱én ḻaža'a.

⁸Beslá neda' ḻo yógo'te da' ẕinnj da' bena'. Bi go'o latje benne' yaḻ ḻaže' ka' gon dítjgekle' neda'.

⁹Wzóa' žize, na' bi be wnnía' dan' beno' Le' goken ki chia'.

¹⁰Beká'a yižwé' da' bzo' ḻo beḻa' žen chia'. Za' gata' ḻo da' žsako'o neda'.

¹¹Žsako'o no benne' doḻa' nich wzejni'ilo'-ne', na' ka žon beldon' ẕteba' laže', Le' ẕchinnjo' da' nží'ižele bennen'. Da' likze bi be zej nak ža chegak benách ka'.

¹²“Benle da' ẕnnabla' Le', X̱ana' Dios, na' bze nag da' žḻiža' Le'. Bi so' žize kate' zoa' ẕbeža' ḻawo' Le' dan' naka' neda' ḻawo' Le' ka to benne' ẕdaze' yežlyó. Naka' ka to byinne ẕdezba' kan gokgak x̱a x̱na' wdé chia' ka'.

¹³Bi be gono' chia' to chi'ize nich gata' latje yezí' ḻaža'a, dan' ḻa' yeza'tia' yežlyó nga, na' biž soa'.”