Psalm 39:5-13

⁵Mangi, ai ran akan dueta tälap en pa en aramas re omui; o maur i likamata sota meakot mo ’mui. Melel aramas, me kin keleki pein i, kin dueta adiniai. Sela.

⁶Re kin alialu sili rasong mota, o re kin katoutouki pein irail dodok mal. Re kin nanak pena ap sasa, is me pan naineki.

⁷Ari Maing, is me i en auiaui? I kaporoporeki komui.

⁸Dore ia la sang dip ai karos, o kom der mueid ong, me pweipwei kan en kaurur kin ia.

⁹I pan nenenla o sota sar pasang au ai, pwe kom kotin wiadar.

¹⁰Kotin katukiedi omui kaloke ia; pwe ngai dupok kilar ai kalokolok pan lim omui.

¹¹Ma kom pan kaloke amen pweki dip a, mom a kaselel ap pan suedala likamada man en mot kangala. O meid mal aramas karos! Sela.

¹²Maing kom kotin ereki ai kapakap, o mangi ai likwir, o der sapaimokid ni ai sangesang, pwe ngai sapwilim omui men kairu o pweledan omui wei men dueta sam ai kan karos.

¹³Kom kotin muei sang ia, pwe i en kelailada, mon ai pan kokowei o solar mia.