Pesalem 39:5-13

⁵Ojae, kôsaka ŋoc bêc kêtôm samuc tageŋ wageŋ, matamanô gôlic aêŋoc bêc ŋawalaŋ ŋanô masi. Ŋamalac samob gêŋ ŋajaô-jaô ŋaômagoc.

⁶Ŋamalac kêsa nê lêŋ kêtôm gêŋ ŋakatu teŋ. Eŋ gêŋ ŋaôma, mago gêgôm gêŋlêlôm kêtu tauŋa elêmê. Gêjac gêŋ sasa gedeŋ tôŋgeŋ ma asa oc êtu gêŋ tau ŋatau.

⁷O Apômtau, aê oc jakêŋ matoc asa. Taêc kêka aôm taômgeŋgoc.

⁸Ônam aê sa aŋga ŋoc sec samobmaŋ. Ôkêŋ lau meloc sêsu aê susu atom,

⁹Aê jaŋa aoc atom, janam tauc tôŋgeŋ jamoa, gebe aôm gôjam gôliŋ ŋoc lêŋ tau.

¹⁰Nêm gêŋwapac tec kêsac aê nec, ôkôc su aŋga aêŋoc, gebe lêmam kêkôniŋ aê tôŋ ŋanô e oc janaŋa.

¹¹Aôm embe ônac ŋamalac teŋ êtu nê sec ŋagêjôŋa, oc nê katu ŋajam ênaŋa êtôm abêlôŋ geŋ tau. Ojae, ŋamalac samob gêŋ ŋajaô-jaô ŋaômagoc.

¹²O Apômtau, ôŋô ŋoc mec ma ôkêŋ taŋam ŋoc taŋi. Aê galiŋ matocsulu, amboac tonaŋ ônam taôm tôŋ atom. Gebe aê katu ŋacjaba katôm tamoci samob. Ma katu nêm ŋacleŋ teŋ.

¹³Ôlêwaŋ aê gebe jasi aoc su acgom, go jaêc su e malocmê samucgeŋ.