Womusu 42:5-11

⁵Nɛn tororu tɑ rɑ kɑrewɑ nɑ̀ n yɑɑyɑ sɑnɑm mɛ tɔn dɑbiru tɑ rɑ n mɑn sikerenɛ, nɑ n tu ɡbiiye su kɑ dɑ Gusunɔn sɑ̃ɑ yerɔ, sɑ n nuku dobu mɔ̀, sɑ n Gusunɔ siɑrɑmɔ sɑnnu.

⁶Mbɑn sɔ̃nɑ ko nɑ n nuki sɑnkire, kpɑ nɑ n weeweenu mɔ̀. Nɑ ko n nɛn yĩiyɔbu doke Gusunɔ nɛn Yinnin mi, kpɑ n mɑɑ nùn siɑrɑ. Domi u sɑ̃ɑwɑ nɛn Yinni kɑ nɛn Fɑɑbɑ kowo.

⁷Nɛn Yinni, nɑ nuki sɑnkire. Yen sɔ̃nɑ nɑ nun yɑɑyɑmɔ sɑɑ Yuudɛnin dɑɑrun di, kɑ ɡuu te bɑ mɔ̀ Hɛɛmɔɔn di kɑ ɡuu te bɑ mɔ̀ Miseɑɑn di.

⁸Wunɑ ɑ rɑ de dɑɑrun nim mu kukiri, kpɑ nim kureru tu se tu ɡɑru suɑ, kpɑ ni kpuro nu mɑn wukiri.

⁹A mɑn wunɛn kĩru sɔ̃ɔsio sɔ̃ɔ sɔɔ, wɔ̃kuru kpɑ nɑ n womusu mɔ̀, nɑ n nun tɔmɑmɔ, nɑ n nun kɑnɑmɔ wunɛ wi ɑ mɑn wɑ̃ɑru wɛ̃.

¹⁰Gusunɔ, nɛn Yinni, ɑ sɑ̃ɑwɑ nɛn kpee sɑɑrɑ. Mbɑn sɔ̃nɑ ɑ mɑn duɑri. Mbɑn sɔ̃nɑ kɑɑ de nɛn yibɛrɛbɑ bɑ n mɑn dɑm dɔremɔ kpɑ nɑ n nuki sɑnkire.

¹¹Nɛn kukunu bɛsikirɑmɔ sɑnɑm mɛ bɑ mɑn nɔni sɔ̃ɔmɔ, bɑ mɑn wɔmmɔ, bɑ ɡerumɔ bɑ mɔ̀, mɑnɑ Gusunɔ nɛn Yinni wi.