Womusu 148:1-9

¹I Yinni Gusunɔ siɑro. I Yinni Gusunɔ siɑro sɑɑ wɔllun di. I nùn siɑro sɑɑ wɔllun sɔɔ sɔɔn di.

²Bɛɛ win ɡɔrɑdobɑ kpuro, i nùn siɑro. Bɛɛ win tɑbu kowobu kpuro, i nùn siɑro.

³Sɔ̃ɔ kɑ suru, i nùn siɑro. Bɛɛ kperi kpuro, bɛɛ be i bɑllimɔ, i nùn siɑro.

⁴Bɛɛ be i wɑ̃ɑ wɔllun sɔɔ sɔɔwɔ, i nùn siɑro. Bɛɛ nim mɛ mu wɑ̃ɑ wɔllɔ, i nùn siɑro.

⁵U woodɑ wɛ̃, ye kpuro yɑ koorɑ. Ye kpuro yu nùn siɑro.

⁶U ye tɑ̃sisiɑ sere kɑ bɑɑdommɑɔ. U koo woodɑ yi, win tii kun mɑɑ ye sɑrɑmɔ.

⁷Sɑɑ tem sɔɔn di, i Yinni Gusunɔ siɑro. Bɛɛ nim wɔ̃ku kɑ nim bwee bɑkɑnu kɑ yɛɛ nɑnumɡii yi yi wɑ̃ɑ sɔɔ, i Yinni Gusunɔ siɑro.

⁸Dɔ̃ɔ kɑ ɡuru kpenu kɑ ɡuri bɑkɑ kɑ bukɔ kɑ woo bɔkɔ, bɛɛ be i win woodɑbɑ mɛm nɔɔwɑmmɛ, i Yinni Gusunɔ siɑro.

⁹Bɛɛ ɡuunu kɑ ɡunɡunu kɑ dɑ̃ɑ ye yɑ rɑ mɑ kɑ sɛdurubɑ, i Yinni Gusunɔ siɑro.