Sentencoj 23:6-11

⁶Ne manĝu panon de malbondeziranto, Kaj ne deziru liajn bongustajn manĝojn.

⁷Ĉar kiaj estas la pensoj en lia animo, tia li ankaŭ estas: Manĝu kaj trinku, li diros al vi, Sed lia koro ne estas kun vi.

⁸La pecon, kiun vi manĝis, vi elvomos; Kaj vane vi perdis viajn agrablajn vortojn.

⁹En la orelojn de malsaĝulo ne parolu; Ĉar li malŝatos la saĝecon de viaj vortoj.

¹⁰Ne forŝovu la antikvajn limojn, Kaj sur la kampon de orfoj ne iru.

¹¹Ĉar ilia Liberiganto estas forta; Li defendos ilian aferon kontraŭ vi.