Semtilbu 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Hichun Jacob a khodah inavet a ahile “Ven Esau chu mihem jali jen to ahung amu tan,” chu in Jacob in jong achate chu Leah le Rachel chule asoh numei teni ahop peh soh keiyin,

²hichun asoh numei le achate ho jouse amasat sah in, abanin Leah le achate achesah in, chule a chaina in Rachel le Joseph apansah e.

³Chuin Jacob ama mong mong amaho jouse masanga chun achen, aupa heng ahin phah toh kahsen sagi vei jen tola aboh khup in ahi.

⁴Hichun Esau alhai phei jin apum koi jeng in, chule angong koiya achop a ahile ani lhon in aki ka lhon tai.

⁵Hichun Esau in numei ho chuleachate ho chu aven adong in, “Amaho hi koi hiuva ham,” ati. Jacob in a donbut in, “Hichechapang hohi Pathen in na sohpaphatthei eibohna ahi,” ati.

⁶Hichun soh numei teni le achatehon ahin nailut un Esau masangachun aboh khup tauvin ahi.

⁷Leah le achate jong ahung nailut uvin aboh khup’in a salamuve; chule anu khah pen in Josephle Rachel ahung nailut lhon in abohkhup lhon in salam abol lhon tai.

⁸Esau in a dong tan, “Ahile hicheka hin kitopi gancha honpi chuipi na bolna ham,” ati. Jacob’ina donbut in, “Nangma masang’alunglhai na kimuna tei ding ka tiahi,” ati.

⁹Esau in a donbut in, “Kanaokeiman jong tamtah ka nei nai ati, nangma thil chu nang ding in ki koitan,” ati.

¹⁰Ahin Jacob in a sei teijin, “Nangman hiche kipa thilpeh hohinalah louva hithei lou ahi, keimannangma mai kamu hi Pathen maimu tobang ka hi, nangma mai kamutheiya nanui awgin kajah hi thina akona galkai kahitai,” ati.

¹¹Lungset tahin hiche thilpehhohi neisan peh teijin, Pathen inka ngaichat jouse eipe tai, hichun Jacob’in ahasei behset jeh chun Esau chun thilpeh ho chu asang tai.

¹²Esau in aseije, “Aphai atitai, keiman na lamkai jing ting eini cheta hite.”

¹³Jacob’in a donbut in, “Ka Pakainei het them peh mai jin, chate ho hialhasam thei lheh na laiyun, ganchabongnou hole kelnou ho jong apihon toh ki khen thei lou lai ahiuvin, nikhat sunga hatah in kihoi paitaleh gancha honte aboncha thigamjeng thei ahiuve.

¹⁴Hijeh chun lungset tah in nasohpa masanga kapu ana masajeng in lang keiman olcha chan kamasanga gancha ho ki kalvan bangule chapang te kikalvan bang bangu hin, Seir gama kapu heng kahin phah kah sen hung nange ati.

¹⁵Apha lheh jenge tin Esau in adonbut in, “Hinlah ka miteho themkhat tou dalhang kating nangholam hil ding chule boina le hahsatna a pan lathei ding ati, Jacob in adonbut in, “Hiche hochu ngai ponte, lungset umtah a kapu neina lamdothi alhingset in ka sange,” ati.

¹⁶Hichun Esau chu aki nungheijin Seir gam jon ding chun Hiche nimama chun ache kit tai.

¹⁷Jacob vang chu ahile Succothlama achen hiche muna chun inlimgancha ho din a song in, chule amachenna ding in jong in aki sahtai. Hiche jeh a chu hiche mun chu Succoth kiti ahi. (Succoth tichuchenna mun tina ahi).

¹⁸Phat chom khat jouvin Jacobchu Padan-aram lammah kon in Shechem Canaan gam ahung lhungtan, hiche khopi phah masangachun ngah mun khat asem kit tai.

¹⁹Jacob’in Shechempa Hamorchate khut akon chun gam leisetphabep sum (Qesitah) jakhat inaki choh in hikom a chun ponbuha kison tai.

²⁰Hichun aman maicham atungdohin amin chu El-Elohe Israel asah tai. Dinah Kisuh Thang Jeh’a Phu