Semtilbu 28

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Hichun Isaac in Jacob akouvin, phatthei aboh-in chule athu lhah in ajah a hitin aseije, “Nangman hiche Canaan numei hohi jia nakipui thei louhel ding ahi;

²Hijeh chun gangtah in kipat dohin lang Padan-aram a nanu upa Bethuel in a chen chukom a konchun nanu sopipa Laban Chanutejoh ga kipuitan.

³Pa Pathen in phatthei na bohhenlang nacha nanao tha lhinsahhen, na punsah hen, chule amahochu nam lentah hung himaiyu hen.

⁴Pathen in nangma le nachilhahtechunga phatthei naboh uhen, napu Abraham kom a anaki tepna hochu tua nangma na khopem nagamjong hi nahin losoh ding ahi, Ajehchu Pathen in Abraham ana pehsaahitai.

⁵Chule Isaac in Jacob chu asol mang tai, ama jong Padan-aram langa Jacoble Esauhingnu Rebekah sopipa Syrian mi Bethuelchapa Laban henga ache tai.

⁶Esau in ahechen tai apa Isaac in Jacob phatthei aboh a Padan-aramlanga numei ji a gakipui dinga aphatsah a, chule phatthei aboh pet’aagihsal a “nangman hiche Canaannumei ho ji a naki pui thei lou dingahi,” tia a sei peh jong aja tai.

⁷Chule Jacob in apa le anu thuangaiya Padan-aram lam ah achetai.

⁸Chule Esau chun apa Isaac in Canaan numei ho chunga a lunglhaipoi ti ahechen tai.

⁹Hichun Esau jong apu Ishmaelhengaachen Abrahamchapa Ishmael chanu Nebaioth sopinu Mahalath chu aji masa teni belapding in aga kipui ben ahi.

¹⁰Chule Jacob in Beersheba chu adalhan Haran lang ajon tai.

¹¹Hiti chun gamkim lai khat ahunggeidon hin nisan alhum den tai, hichun ama jong jan chun chukommuna agehdentai, Age na munasongho khat chu alan lukhap inaneijin alumden tai.

¹²Ama hiti chun alup lhah chunamang akalbi saotah akido amunleiset apat vantham jol geiyakidolut amun, hichun Jacob in Pakai vantilte akaltou akumsuhjingo chu amun ahi.

¹³Chule kalbi a chung langa chun Pakai adingin hitin aseiye, “Keima Pakai Pathen napu Abraham Pathennapa Isaac Pathen kahi. Tua naki choldo na mun hohi nangma leh nachilhahte kapeh doh ahitai.

¹⁴Na chilhahte chu tol a leivuija kaphahsah ding amaho chunsolam, lhumlam, sahlam, lhanglamaboncha ahin lodim soh dingu ahi, chule leiset chunga nangma le nainsung mite jeh a vannoi phattheikaboh ding ahi.

¹⁵Itihchan hi jongle nangma kaumpi jing ding nache nachan anikhat teng hiche gama hi kahinnung pui lut kit ding nahi, ajehchu kaki tepna jouse ka suhbulhitmasangse a donlouva ka koi louhelding nahi.

¹⁶Hichun Jacob a emutna konaahung khang doh in hitin a seije, “Hikom a hin Pathen a um mong’etihi ka na hetphah lou ahi.”

¹⁷Hinlah ama chu tijat nan adimin hitin aseije, “Hiche lai mun hi Pathen In ahiloule thildang imachaahi tapoi; chu jongle hiche lai hivangam kelkot phung ahi bouve,” ati.

¹⁸Hichun Jacob jingkah matah ina thouvin a lukhap song chu alankhom phun aphut’in a chunga chunthaotwi asun khum in ahi.

¹⁹Hiche mun chu Bethel asah tai, hichun avetsah chu Pathen hou Intina ahi; phat masalai chun Luz tinana kihei.

²⁰Hichun Jacob in kigahna khataneiyin, “Keima Pathen in ei umpijingleh kakhol jinna hi kaneh dingbu chuleh sil le chen eipeh dingahi,” ati.

²¹Chule keima kapa in damsel aei nungpui lhung kitleh ama chu ka Pakai Pathen dihtah mong ahi tia ding det kahitai.

²²Chule hiche song khomphu a ka phudoh hi Pathen houna in kiti ding ahi. Chuleh Pathen in eipeh jouse hi Hopsom a hopkhat nangma kapeh ding ahi ati.