Text copied!
CopyCompare
PATHEN LEKHABU THENG - Semtilbu

Semtilbu 12

Help us?
Click on verse(s) to share them!
1Pathen in Abram chu anahoulimpi in, “Na gam, na insung mite, na sopiho chule napa sopi ho dalhan keiman gamthah ka musah ding khu jon tan,” ati.
2Keiman nang hi nam lentah ka so ding nahije; chule keiman nangma phatthei kaboh ding chule namin kaki than sah ding chule midangho phatthei chan na nahi ding ahi.
3Chule nangman phathei naboh ho chu phathei chang diu, chule nangma na sapset te chu ka sapset ding; chule nangma jeh a leiset chunga phung nam kim phatthei chang ding ahi uve.
4Hichun Pathen in athu mop dung jui chun Abram chu akichon in, chule Lot in ama aki lhonpi. Abram chu Haran dalha a akichon doh chun akum kum somsagi le kum nga ana lhing tan ahi.
5Aji ngaitah Sarai, a sopi pa Lot, a nei agam jouse toh, a gancha jouse, chule Haran a ana um laija a insungmi ana ki semdoh chengse chu aki puijin Canaan lam ajon tauve.
6Abram in alamjot’na a Shechem chu ahopa in saotah ajot un, hiche a chun ngah mun Moreh thingphung kom ah a kinga uvin hiche mun chu Canaan mihon ana lodim un ahi.
7Hichun Pathen in Abram chu a kimupi’n “Keiman hiche gamhi na chilhahte kapeh ding ahije,” hichun Abram injong ahenga hung kilah Pakaija ding in hiche muna chunmaicham khat a sem in ahi.
8Phat chom khat jou chun, Abramin noilam gam ahin jon in, kingahna mun ding thinglhang lam’ahasem doh in hichu nilhum lama Bethel khopi, niso lam a Ai khopi, akah a chun ponbuh akison in aki nga in, hiche mun a chun aman Pakai ja ding in maicham khat asem in chule Pakai min in a tao tai.
9Hichun Abram chu noilam’a ahung chalbe ben Negev lam jon inache paije.
10Hiche lai phat dontah chun Canaan gam sunga nasatah in kelalhan, Abram chu Egypt ma chelouthei ahi tapon, hikom a chun Abramchu gampam mi vaitah in ana um in ahi.
11Abram chu ahung suh deu vin Egypt gamgi ahung lhun phat chun, Abram in ajinu Sarai, jah a chunaseiyin, Sarai “Ven nangma hinumei melhoi tah nahin,
12Egypt miten namu teng u-leh, amahon hitia asei diu, “Ama hi ajinu ahi, amapa hi that doh’u hitinhiche teng chule a jinu hi eiho ichanthei ding’u ahi,” ati.
13Hijeh chun nang chu kei sopinuhi ka hi tin kisei in lang hile chun, kei ding in phapen in tin chulenangma jal’a chu kei jong eihinghoi ding’u ahi,” ati.
14Thudih tah khat chu ahile, Abram chu Egypt ahung lhun chunmipiho chun Sarai chu amelhoi chua mudoh soh tauvin ahi.
15Chule Pharoah lengpa chapaten a mudoh phat uvin, Pharoah koma amanu chu aphat sei lheh jeng tauve. Hichun Sarai chu Pharoah insunga a puilut tauvin ahi.
16Hichun Sarai jeh chun Pharoah in Abram chu thil mantam tah apen, kelngoi hon ahin, bongchalte ahin, sangan chal ho ahiuvin; soh pasal hihen soh numei ho hileh, sangongsao ho ahin sangongsao api ho ahiuvin anei doh sah lotai.
17Hinlah Pathen in Pharoah le a insung mite chu Abram jinu Sarai ajeh pen chu, het phahlou thoh hah tah chun abolgim lheh jeng tan ahi.
18Hichun Pharoah in Abram chu nasatah in ahousal in, “Ipi bol’a kingaito nahim”, atin, “I bol la naloinu na jinu ahi chu nei seipeh lou ham?”

19I bolla ka sopi nu ahi na tia ka ji dinga neiki pui sah ham? Hijeh chun ven tun jong hikom a na jinu aum e ki puijin lang gangtah in che doh tan,” ati.
20Hichun Pharoah in a semang pachong ho thu a pe tan, Abram ahin ajinu ahin chule anei agou abonchan hiche gama kon in gathah doh un ati.