1Abraham in ji numei khat a neibe kit in, amanu min chu Keturah ahi.
2Amanu chun cha hicheng hi ahingin, amaho se chu Zimran ahin, Jokshan ahin, Medan ahin, Ishbakahin, chule Shuak ahiuvin;
3Jokshan chun Sheba le Dedanahingin, Dedan chilhah ho chu ahile Assurite ho ahin, Leteshite ho ahin, chule Leumimite jouse jong ahiuve.
4Midian chate ho chu Ephah ahin, Epher ahin, Hannoch ahin, Abidaahin chule Eldaah amaho jouse hi Abraham cha Keturah a konna peng ahiuve.
5Chule Abraham in anei jouseachapa Isaac chu apetan ahi.
6Amavang Abraham in athimasangin aji kopte cha ho jouse jong thilpehanei soh keiyin chule nisolamgamma abon un aki in chonsah tai.
7Abraham chu kum jakhat le kumsom sagi le kum nga alhing in;
8Hichun Abraham kum sottahahing in lolhing tah in ahinkhoamang in aleiset hinkho abeitai, chuin ama apu apa amite to akivui thatai.
9Chule achate ni Isaac le Ishmaelin apa lhon Abraham chu songlhankeova Machpelah achun avui lhontai. Hichu Mamre kom ahin hichemun chu Ephron chapa Zohar Hittites ho komma kicho doh anahi.
10Hiche gam hi Abraham in Hitemite ho koma a Inneipi Sarahkivuina dinga ana choh doh mun chu ahi.
11Abraham thijou chun, Pathen inhatah in Isaac chu Beerlahoi-roi Negev mun a phatthei abohtan ahi.
12Hiche hohi Ishmael chilhah Abraham chapa Hagar a konahung peng Egypt mite numei Sarahsohnu a kon ahi.
13Anoija hohi Ishmael chilhahamin, anam, aphung dungjui jakipe, apeng masa penpa Nebaiothahin, Kedar ahin, Adbeel ahin, Mibsam ahin,
14Mishma ahin, Damah ahin, Masah ahin,
15Hadard ahin, Tema ahin, Jeturahin Naphish ahin chule Kedarmahhicheng hi ahiuve.
16Hichengse hi Ishmael chapateahiuvin, aminu jong a khotin akisem a chuleh angahmun dung-juija akilah le aphung khaijin haosachapa cheh som le ni alhing uve.
17Chule Ishmael chu kum jakhat lekum somthum le kum sagi ahing in, chu in ama aleiset hinkho abeitanhichun apu apate along lup naovaama jong akichol dotai.
18Chule Ishmael chilhahte chungam leiset Havilah apat Shur changei alodim un, hiche hi Assyria gamjotna Egypt gamto kinai Asshur ahung kipan ahi. Amaho chu asopiule nao hotoh kivet dagunset in anaum jing uve.
19Hiche hi Isaac Abraham chapainsung chilhah thusim ahi.
20Chuin Isaac kum som li alhin inaji ding in Rebekah Paddan- Aram gama Bethuel chanu Aramean mi Laban sopinu chu a kipuiyin ahi.
21Isaac ajinu ding in Pathenheng’a ataovin ahi, ajeh chu achingin cha neilouva aum phat in, hichun Pathen’in Isaac taona chu asanpehtan ahile Rebekah chu ahungkikopmo tan naosen ni ahung kijiltan ahi.
22Hinlah naosen teni chu anunaobu sunga ahung kiboi jinglhonin hichun amanu Pathen dongdingin achen Hiche hi iti dan ham? ati.
23Pathen in amanu ahoulim piin “naobu sunga naocha teni chunampi ni hung hi ding Hiche namteni hi abulla patna hung kitoh mopeh lhon ding ahi, nam teni lah akhat hung hat intin, nacha teni laha aupan anaopa chu ahin jenle ding ahi”.
24Chuin naonei na ding phat ahunglhin chun Rebekah in naoni avopchu ahin kihet chen bep’in ahi.
25Chu in ahung peng masa pa chuasan in atahsa pumpi chu amul inatom in hichun ama chu Esau asahtauvin ahi.
26Phat chom khat jou chunasopipa ahung peng lhatan akhutteni a chun a upa keng atuh chahkheh in, Hichea chu amapa min chu Jacob asah un, ajinun amani ahinpeh pet hin Isaac chu kum som gupana lhingtai.
27Chapangtenichuahungkhanglen lhonin, Esau chu gamlengsakap them gam vahmi ahunghikhan, Jacob vang chu mi mong khat ahin pondal buh a um jing miahi.
28Isaac in Esau chu hatah inangailun ahi, Ajeh chu asa delsaahin poh lut aneh jing jeh in, Hinlahh Rebekah in Jacob chu alungset lheh in ahi.
29Nikhat chu Jacob in changchimahon pet in Esau chu agamlen na akonin ahung lhung in, nasa tahinagil akeltan atha alhasam lheh tanahi.
30Hijeh chun Esau in Jacob jah a hitin asei tai, “Kagil akel valtaina changchim hon salenglung chuthem khat neipe tan” ati. Hijeh achu amapa min Edom kisah ahi.
31Aphai, tin Jacob in adonbut in, “Amasa pen in na upat nahina chuneipe doh tan,” ati.
32Esau in hitin aseije, “Keimagilkella thi dinga um ka hitan Hichemi upa chu ipi ka phatchom pi dingham?”
33Jacob in asei kit in, “Amasa pena naki hahsel angai je,” hichun Esauchu aki hahsel tan mi upa ahina chu Jacob komma akijoh doh tai.
34Hichun Jacob in Esau chu changlhah toh chang-noi apetanhichun aman anevan adon chimset’in akithou doh in achetai, Hichun Esau in mi upa ahina chuakijoh dohtai.
