1Abraham chu akum ahungtam lheh tan Pathen in hatah in a natoh na jouse ah phatthei a boh sohkeiye.
2Chu in Abraham in nikhat chu asohte laha atahpen insung vaihom pa heng ah hitin aseiye, “Nakhut chu kaphei noiya koijin lang naki hahsel ding ahi.”
3Chu tengle Pakai van le leiset sempa min in ki hahsel in hichu nangman kamou ding hi Canaan gamsung tua ichen nao muna konna hi nahin puilou ding ahi.
4Hinlah nangma che inlang keima um nalui gam ka sopi holah a Isaac ji ding naga pui peh ding ahi ati.
5Sohpan Abrahamadonbut’in “Ijemtin numeinu chu keiho toh hiche gama kanung hinjui ding da tale ikalo ding hitam? Ahiloule keiman nachapa Isaac hi nangma hung kondoh nagama chu kanung pui kit thei ding ham?” ati.
6Abraham in adonbut’in “hoitah in gelchen in lang ka chapa vang kholam a patna na hin nung pui lou beh ding ahi.”
7Pakai van Pathen kanam mite le ka pa insunga kona eipui doh pa, ka penna gama patna eihin puidoh pan kitepna aneijin hitin eina seipeh e, nangma chilhah te Hiche gamhi kapeh ding na hiuve.
8Hinlah numeinu chun na hinjui nomlou le nangma keima dan kitepna a kona ongthol na hitai, thilkhat chu ahile ka chapa hilanga konchun nahin nungpui lou ding ahi.”
9Hichu Abraham sohpan apu Abraham malnoija akhut akoijinapun ahilna thudol ahin aki hahsel tai.
10Hichun asohpa chun sangongsaosom apupa Abraham kom ahalan thil mantam ajat jat a pon Mesopotamia lama Nahor khopijon din ache tai.
11Aman sangongsao ho chu twiveina kotong koma khopi pama akichol sah in nilhah langkaiahiphat in numei ho chu twi khaidingin ahung potdoh un ahi.
12Chu in Abraham sohpa chun, “O Pakai kapu Abraham Pathen, tunia neipi lhin sah na dingin na-angsunga kataove, kapu Abrahamdingin khoto na hinneiyin.”
13Vetan keima hiche twikhuhphunga hin kadinge, chule hichekhopi sunga miho Chanute Twikhaija hung ding ahiuve.
14Hichehi kangai chat ahi. Alahuva khatpen pen chu ka doh ding, lungset tah in nakhon a Twi chuneidon sahin. Amanun hitia hi ahindonbut leh, heng’e, don in, chulena sangongsao ho jong keimanhin donsah ing’e! Hiche nu chunangman Isaac inneipi a dinganalhen doh hiding ahi. Hiche akona chu keiman ichan geija kapuchunga guitan lou ngailutna nachanham ti ka het ding ahi.
15Asohpa taona achai masang in Rebekah numei khangthah nu chun aleng kouva Twibel ahin pun ahung pot doh tan ahi, Amanu chu Bethuelchanu, Abraham sopipa Nahor leajinu Milcah toh ahin lhon ahi.
16Rebekah chu nungah melhoivetnom nom a melhoi khat ahin, chule pasal tojong kitimat naneikha lou hel lai ahiye. Amanu chun Twikhuh sunga achelut in a Twibel dimset in twi aga kithal inchu jouvin ahung kaldoh tai.
17Abraham sohpa chu Rebekahkom lama alhai in hitin aseiye, “Lungset tah in nabel a twi chuthemkhat neidon sah thei dingham,” atile,
18Rebekah in jong “Henge kapunadon thei ma ma ahi,” chuinamanun a twi poh chu a lengkouvapat in ahin dom lhan Abrahamsohpa chu adonsah tai.
19Chuin Rebekah in twi adonsahjou chun, ana khongai ta din “Keiman na sangongsao ho dingjong twi gadom ta dinge ati, chulena sangongsao hon adon chimtokahsen keiman gathal peh ing’e,” ati.
20Hichun Rebekah Chu gangtahin atwi poh Chu gancha ho twikongsunga alheilhan, twikhuh langachun twithal dingin a lhaijel kit’inamapa sangongsao ho aboncha uvin Twi adon chim sah soh keijin ahi.
21Chuphat’in sohpan thipbeh in Rebekah umchan chu aven ama akingaiton Pakaiyin ka hung kholjinlona penhi a lolhin sah ding khathitam, hilou ham tin photchen dinggon Rebekah um chan chu thipbehchan ave ave jeng in ahi.
22Phatchomkhatjouvin sangongsao ho jousen twi ahindonva cheh tauvin, hichun sohpansana bilba anah a budin ahin ladohin chule sana chao jang ni lentahakhut cheng teni a bupeh din ahin ladoh tai.
23Amapan adong tan, “Nangmahi koi chanu nahim? lungset tahineihin donbut in, napa in mun a chutujan kaki ngah thei diu ham?” ati.
24Amanu’n adonbut in, “Keimahi Bethuel chanu kahi atin, kapu lekapi chu Nahor le Milcah ahi.
25Henge, adih e, keihon pol tamtahkanei jun sangongsao ho neh theiding, chule jin lhun in jong ka nei uve,” ati.
26Hichun sohpa abohkhup in Pakai Pathen athangvah tai.
27Pathen vahchoijin um hen, kapu pa Abraham Pathen ati tai. “Pakaiyin a lungsetna longlouchule phatkim na ka pu pa amusahtai, ajeh chu ahile imacha boinaumlouva kapu sopite koma eipui lhungjel tai.”
28Hichun khangthah nungahnuchu gangtah in a inlama alhai jelin ama chunga thilsoh um cheng ainsung mite aga hetsah in ahi.
29Rebekah chun sopi Laban aneijin, amapa chun Twikhuh kamachun ahung gamkon ho kimu pi din ahung tai.
30Laban chun anah’a sana akibaa akhuta sana chaojang akibu chuamu tan, chuleh Rebekah in amahochungchang thu asei chengse chuajan, hichun ama alhaidoh pai jin Twikhuh umna lama sangongsaoho nunga adin chu amun ahi.
31Laban chun sohpa koma aseije, “Hung in keiho kom a na ge thei diuahi, Pathen in phatthei abohsa tehokhopam a iti nadin ding’u ham? Keima in a nangho gena ding munaum e, chuleh na sangongsao te kolna ding jong gonsan aum’e.”
32Hichun amapa chun Laban tohinsung alut tauvin, Laban chunsangongsao ho chu alham lhanchangpol ho apen aki choldo nadiu, chuleh aneh diu jong Twi jongsohpa ding, chule sangongsao hoijapang ho dinga akeng kisop ngim nading un apen ahi.
33Hichun aneh diu an ahung kiluidoh tan ahin Abraham sohpan aseije, “Imacha kaneh nompoi kahung na ajeh kasei masang in,” aphai tin Laban in adon but in, “Neisei peh un” ati.
34“Keima hi Abraham sohpakahi,” tin aman asei tai.
35Chule Pathen in kapu pa hihatah in phatthei aboh in ama neile gou jong ahao thei lheh tan ahi. Chule Pathen in kelngoi hon, le sanamkim jong anei sah tan, chulesana dangka le soh numei le pasal, sangongsao tamtah jong chulesangan tamtah ape tan ahi.
36Chu in kapu pa loinu Sarah chuakum ahung teh jou nung in, kapupa chapa pasal khat ahing in, kapu pan achapa chu anei agoujouse ama ape doh tai.
37Hia chun kapu Abraham’ineikitep sah in, Aman hiti aseije, “Nangman hiche ka chapa hi Canaan numei ho toh na kichen sah lou hel ding ahi.”
38“Amavang ka pate kom langa, ka insung mite kom lang joh anache a ka chapa Isaac ji ding neigapui peh tan,” ati.
39Hinlah keiman kapu ka donbutin “keiman ipi kalo ding ham? numei khangthah keima toh hungkinung le ding ka mu thei lou leh kati’e.
40Aman ei donbut’in, “Pakai amaumna limnoija eium pi pan avantilte nahin solpeh ding na kin jongthupi tah a na lolhin sah ding ahi. Adih e! Hijeh a chu ka chapa aloinuding keima insung miho lah a nahinpui tei ding ahi.
41Hiche teng chule, keima a konana onthol ding ahitai. Kasopi holah a naga chea amahon a chanuu chu nangtoh hung ding anoplouule hiche a chu nangma na themmo tapoi.
42Hijeh chun tun in, keima hilaitwikhuh mun a hin ka touve, OPakai, kapu pa Abraham Pathentuchung hi ka hung ki gonna kinhi lungset tahin neilo lhin sah in kati’e.
43Ven, keima hilaija Twikhuh komakadin pet ahi, numei khangthah honhiche Twikhuh a twi thal a ahungteng ule hitia hi kasei ding, lungsettahin na khon na chun twi themkhatnei donsah thei ding ham?
44Ama nun henge ahi tia chulekeiman na sangongsao ho jousejong twi ka donsah soh ding ahintileh amanu chu kapupa chapa Isaacji ding in nei petai tia ka lah ding ahi tai.
45Keiman ka lungthima katao chai masang in Rebekah in alengkou va twibel ahin pun twikhuh lam ahinjon in, hichun keiman amanu jah’ahitin kaseije, lungset tah in donding twi neipen kati’e.
46Hichun Rebekah in jong gangtahin a lengkouva twibel a twi aput chuahin domlhan hitin asei tai. Hengeaphai, twi nadon thei ahiye chulekeimannagancha Sangongsaoho jouse jong twi donva sah chehnange ati, hichun ken jong ka donin la Sangongsao ho jong abonchauvin twi avahva cheh in ahi.
47Hichun keiman ka dong innangma hi koi chanu nahim katileaman eidonbut’in Bethuel chanukahin Nahor le Milcah chu kapule kapi ahi ati, Hichea chu keimananah a sana bilba kaba peh a akhutteni a sana chaojang kabu peh ahi.
48Hichun keima ka kun in ka bohkhup in Pakai kavah choije, kapupa Abraham Pathen chu, Ajeh chu Pathen in lolhing tah in eipui jinama sopi atute kom lama achapa jipuithei ding muna kaum tah jeh inati.
49Neisei peh in, nangman kilungsetna longlou chule kingailut photchetna hi kapu pa nasuh bulhit sahding ham? ahilou leh ipi neilo dingham? hiche teng chule keiman abanbolbe ding chu kigel tang kate.
50Hichun Bethual le Laban in adonbut lhon in, “Pathen in hikomahi na hin pui uchu ka nom e keimaho emacha seibe ding ka he pouve.”
51Rebekah hi kipui jun che tauvinnadei ma bang in na pupa chapa inneipi din kipui tauvin, Pathen in nahin puiji mabang in atilhone.
52Abraham sohpan hiche thu kiseiho jouse chu ajah phat chun tol’aabohkhup in Pathen a thangvah tai.
53Hichun Abraham sohpan dangkasum eng chule sana khivui, ponmantam ho chu Rebekah apeuvin, hiche tilou chun thil thupi mantamtah Laban le anu jong apen ahi.
54Hichun amahon an ane khomun Abraham sohpa le ahin lhonpiho jouse hiche jan chun ageh un, Hinlah jingkah matah in, Abrahamsohpan hitin aseiye, “Ka pupa komakinungle din neisol tauvin,” ati.
55Amavang Labanleanun “Rebekah chu nisom tobang aumbe ding in adei lhon nalaiye. Hichejouteng amanu chethei tante,” atiuve.
56Ahin sohpan neini chon sah sahhih un, ajeh chu ka Pakai ka hungna kin lenpen tah hi eilo lhin sahpeh ahi tai. Lungset tah in kapu pakoma din eiki nungle sah tauvin.
57“Aphai” ati uvin “Keima hon Rebekah kouvu tin dong ute amanipi agel em.”
58Hichun amahon Rebekah akouvun, “Amapa toh in nache dinghitam,” tin adong uve. Chuin amanun a donbut in “Henge ka che ding ahi,” ati.
59Hichun amahon damsel tauvintin Rebekah chu alhau vin, Abrahamsohpa toh ahin kilhonpi hotoh asoltauvin ahi. Rebekah chu aneovapatna ahin sasah nu jong asol pehthauvin amanu toh kilhon ding ahi.
60Amaho Rebekah in adalhahkon un hitin phatthei aboh un “Kasahtah u sopinu nangman mi asangsang hin hing inlang, na chilhahte jong hat jing’u hen. Amahonamelma teu kelkot hinkal lhahjing’u hen,” atiuve.
61Hichun Rebekah le asoh numeiho chu sangonsao chunga kaldohun, Abraham sohpa nung chu ajuitauve, Hiti chun Abraham soh pan Rebekah chu apuiyun ahung tauve.
62Hiche petna chu Isaac chu Beerlahai-roi japat achenna mun Negev lama ahung kinungle pettahahi.
63Nilhah khat Isaac chu avah lenatao dinga ache le pet in phaileilam agahven ahile sangong-sang hoahung chu amun ahi.
64Chuin Rebekah agah khodah inahile Isaac amuphat in sangongsaochunga kon in ahung kum lha tai.
65“Koiham khulanga phailei lamavah le a eiho eigal dot’u khu,” tin Rebekah’in sohpa chu adongtanahi. Chuin Abrahamsohpanadonbut’in “Ama khu kapupa ahi,” hichun Rebekah’in adel alan akikhukhume.
66Hichun sohpan Isaac chu imajouse thusoh ho chu asei peh tanahi.
67Chu in Isaac in Rebekah chu anu Sarah ponbuh in na ahin puilut in, aman Rebekah chu aji din asangtan hatah in alungset in, amanu chu Isaac anun adalhah jou alung hem na jouse jong amil tai. Keturah Guija Peng Abraham
