1Ateh a kho amu chen lou nung hin Nikhat hi Isaac in achapa alenjo pa chu akouve.
2“Ka chapa! Keima hi ateh kahitai, Itih thi ding kahim kasei thei tapoi,
3Hijeh chun tun nangma kigongin lang na man chah nathalpi kigotinlang gamlah ah kei ding sa ga kap’in,
4Chutengleh keiman kadu lamtahin hin honin lang hinchoi jin keimankaneh ding chuteng leh nangma hikahinkho abei masanga phatthei kaboh ding nahi ati.
5Ahin Isaac le Esau kihou na chu Rebekah’in guhthim chan ana ngaijin hichun Esau chu gamleng ding aakon doh phat in;
6Rebekah in Jacob jah’a hitinaseije, “Ngaijin napa Isaac in naupa Esau hitin ahoulimpi kaja’e,” ati.
7“Sa neiga delpeh inlang kadulamtah in hinhon in lang hinchoiin keiman ne ingting chule Pathenmasanga phatthei kaboh ding nahi, kahinkho abei masang in,” ati.
8Hijeh chun tun kachapa ka thuseihi phate chan ngaijin kathu sei hohinajui ding ahi.
9“Nangma kelngoi hon lah agachen lang ahoitah cheh anounihinkai jin chutengle keiman napadulam tah a kahon peh ding,
10Hiche teng chule nangman napakomma nachoi ding aman aneh aaneh jou teng phatthei na boh dingahi, ama ahinkho adampet ahi,” ati.
11Ahin Jacob in anu Rebekahadonbut in ajah’a, “Vetem in ka upa Esau a tichung amul in ahin keimavou nem a timul lou ka hi.
12I kati ding ham? ka pa in eihinjut le ta leh jou a ka bol ahin hetdohleh koi phatthei chan sanga sapsetna joh kachan joh ding ahi,” ati.
13Hinlah anu Rebekah in adonbutin, “Sapsetna ho aumle keimanabon in keiman kipoh tang kateati, chapa bol in ka ti hohi na bolangaije, che inlang kelngoi chu kahenga hin kailut loijin ati!”
14Hichun Jacob jong achenkelngoi chu anu kom’a ahin kailut tai. Chuin anun jong apa dulam tahin ahon peh tai.
15Hichun Esau von holah aaphapen chu insunga kon in agaladoh in achapa aneojo pa Jacob chuavonpeh tan ahi.
16Chule kelngoi nou teni mulchuakhut teni le angong amul bei lai achun atom peh in ahi.
17Hichun Rebekah in sa twitah aahon chule changlhahama semsachu achapa Jacob khut ah apetan ahi.
18Hichun Jacob in changlhah lekelsa chu apa aga pen “Hepa” atilehaman jong “Hoijo koipen nahimkachapa?”
19Jacob’in a donbut in, “Keima Esau na chapa apeng masa chukahi,” ati. “Keiman kahin subulhittai nei nganse na chu lungset tah inkithou inlang ka hin choi sa Twitaha kihon hi ne inlang phatthei neiboh tan,” ati.
20Chuin Isaac in achapa chua donbut in, “Iti dan ham? mangangtah in nahin vaidoh loijen in kachapa atile aman jong a donbut in Pakai na Pathen in gangtah a eihinlolhin sah ahi bouve,” ati.
21Hichun Isaac in Jacob henga, “Hung ki khin nai jin katham phahthei na din, nangma hi ka chapa Esau nahi mong nam nahi lou hamna jutle tem inge.
22Hijeh chun Jacob in apa Isaacanailut in ahile ahin jutle tan ahi, aawso hila Jacob awso ahin, akhutteni vang hi Esau khut ahi ngal in atin ahi.
23Amavang Jacob ahi chu ahetchen thei lou ahitai, ajeh chu Jacob khutchu a upa Esau khut tobanga mulahi jeh in hichun Isaac chun Jacobchu phatthei aboh tan ahi.
24Isaac in a dong pha kit leuvin, “Nangma hi kachapa Esau nahimong hinam? atile, Jacob in adonbut in “Ka hinai,” ati.
25Chuphat in Isaac in a seije, “Ka henga hindom naitan nangmaphatthei kaboh thei na dinginkachapan gangtah a naga mat sana hon chu ne ing kate,” ati, chuin Jacob in ahin doppeh phat in anenchule lengpitwi jong ahin dop pehin ahile Isaac chun adon tai.
26Hichun apa Isaac chun ajaha “eihin nailut in lang neihinbengchop tem in ka chapa,” atile,
27Jacob’in anai phei jin apa chuabengchop tai, chu in Isaac kivonnaho gimnam chu anah le len chu inachapa chu phatthei aboh in hitinaseije, “Vetan kachapa gimnamhi Pakai phatthei bohsa gamlahgimnam abang’e.
28Tun Pakai Pathen in vana konin daitwi na chap jing hen, leiset’aleipha lai lai nachan sah jing hen; chule chang le mim chule juningninglhin sah jing hen.
29Nam simsen lou vin naja henchule mihem tamtah nangma noijakun cheh hen lang, nasopi hochunga vai hin hom jing in lang; nanu sunga peng doh pasal jousejong na henga kun cheh uhen. Nangma na gaosapte chu gaosapchang hen, chuleh nangma phattheina bohte chu phatthei boh chang hen!” ati.
30Isaac in Jacob phatthei aboh chai chai jin; Jacob in apa angsung agahdalhah ding kon chet in a upa Esauchu agam lena a kon in ahung lhungpai jeng tai.
31Chuin Esau in jong nehding aalthet in ahon peh in apa henga ahindop peh apa jah a aseitai. “Hepahung kithou in lang na hai hai pet’aphatthei neiboh na ding in na chapathasa hi hung ne o!” ati.
32Ahin Isaac in a donbut in, “Nangkoi nahim? Esau in a donbut in, “Nachapa apeng masa Esau kahi,” ati.
33Isaac hatah in ati a kithing tanaseije, “Koiham Ijo langa hin doma hung a chu, keiman ama hin dopchu ka na ne tai. Nangma hung lhunmasang jep chun phat thei jong kaboh jou tai; phatthei na jouse jongama a chang jou tai.”
34Chuin Esau in apa thusei jousechu angai chai sohhel phat’in Esaujong ha kan a kap’in hatah in alunghang in apa komma atao kit’in, “Hepa keima jong phatthei nei bohtei tei in ong,” ati.
35Hinlah Isaac in aseije, “Nasopipa ahung in eihung lhem lhatai, nang phatthei na chan dingjouse nalah peh gam tai.”
36Esau in adonbut in, “Hiche jeha chu amin Jacob kisah hitei jinteong? Ajeh chu aman nivei jeneilhep lhah ahitai, phat masa in kaupat hina eina lah peh in, tun kaphatthei chan ding ana kilah doh kite, atin hichun keiya dinga phattheikhat beh jong neina khen pehlouhitam?” atile.
37Isaac in Esau a donbut in, “keiman Jacob chu nangma chunga vaihom ding in ka koi tai, chule asopite jouse ama noija kun chehdiu, chule chang le mim ahin, juning ahin, haothei na jong kapehahitai, tua hijat nunga nangma ipikabolpeh thei nahlai ding hamkachapa?” atitai.
38Ahi vang in Esau in apa jah a “Ohepa phatthei na khat chabeh jongum lou hitam? phatthei neiboh teitei yin ong Hepa!” atin apeng inakap tai.
39Chuin apa Isaac in ahoupin ajaha “Nangma leichung phalou lah laha cheng ding na hitan, chule vandaitwi in jong hin chap khata ponte.
40Nangma na chemjam a nakivahding chule na sopipa noija naum ding ahin nangma na hungki- ondoh teng vangle nangongchang’a kona ama namkol chu napai lhah ding ahi tai,” ati.
41Hiche phat a pat chun Esau in Jacob chu hatah in ahin vetda panahi tai; ajeh chu apa Isaac in phattheina jouse Jacob aboh jeh ahi. Chule Esau in alung thim sunga hitin ageltan, “Ka pa hin nikho jong hi sottapon tin a kichai tengleh keiman kanaopa Jacob hi ka tha ding ahi,” ati.
42Ahinachapaalenjo Esaulungthimtohgonjousechu Rebekah jah a aki seidoh khatanahin Rebekah in mi asol’in achapaneojopa Jacob chu aga kousahin ajah a asei pehtai, “Ngaijin naupa Esau khun nang thana ding inlungthim tohgon anei tai,
43Chapa chingthei tah in ngai jin, tun kigong inlang kasopipa Laban kom Haran langa jam tan.
44Hiche mun a chun ni ejat hijong leh ga um tan na upa Esau lungdam kahsen.
45Ama ahung lungdam a nabolset naho asuhmil hel’a ahung lungdam mong mong teng leh keiman mi hinsol ing ting nahung holdoh sah nang’e. Nang ni ucha nikhat a na manthah lhon ding ka nompoi.
46Hichun Rebekah in Isaac komma aseije, “Keiman hiche Hit mite numei ho kathei chim behset jeng tai, Ijem tin Jacob in hiche numei ho jin ahin kipui kit ding ka gel thei poi kathi lo tei ding ahi,” ati.
