1Hichun Jacob akhol che chuabanjom in solam mite gam chu ahung lhung tai.
2Chuin aman agah ven ahile loulai a Twisam amun akomma chun kelngoi hon loi thum a akol jong amun hiche gancha ho chu twikulla don ding Twi ngah ahiuve, chule Twisam chu songpi lentah in adal khum ahi.
3Hitia chu kelngoi hon ho abonna ahung kisuh kimteng uleh kelngoi ching hon twikhuh kamsin songpi chu akhin doh jiuva kelngoi te twi achip sah jiuva achipva teng ule song chu a kikoina ngai ngai twikhuh kam a chu ale khin lut kit jiu ahi.
4Chuin Jacob in amaho jah a “Sopiteho hoija hung kon na hiu ham?” atile amahon adon but un “Keiho Haran gama hung kon ka hiuve,” ati.
5Amapan adong kit in amaho chu “Nahor chapa Laban chu nahet khah hih uvem?” atile “Amahon jong kahe nauve,” atiuve.
6Chuin Jacob in ajah uva “Ama chu dam dam a hinam? tia adohle amahon “henge adam jingnai ven tua hung kelngoi hontoh hung kilhon khu achanu Rachel hija khu,” atiuve.
7Jacob in ama ho jah a “Tuhin nisa sangtah hinalai ja gancha hoi khomphat bon hilou lai, kelngoi hon chutwi chipsah uvin lang gavah phauvin,” ati.
8Ama hon a donbut un, “Ganchaho jouse ahung kikim tokah intwi kipethei ponte atiuve, hichunkelngoi chingho chun songpi chutwisam kot apat chun a tangdoh unkelngoi hon jouse twija ka vah vading ahi,” atiuve.
9Amahon hitia akihou lim pet tahuchun Rachel chu apa kelngoi honhotoh ahung ki jot luttai, Ajeh chuamanu jong kelngoi chinga pangahiye.
10Hichun Jacob in anu sopipa Laban chanu Rachel le anu sopipa Laban kelngoite amu phat in anailut in twikhuh kamsin songpi chua lih doh in apupa kelngoi hon chutwi achip sah in ahi.
11Hichun Jacob’in Rachel chuabeng chop in awging tah in akap’e.
12Jacob in Rachel jah a apa sopinu Rebekah chapa ahi thusim aseipehtan ahile Rachel chu achen apa agahetsah tan ahi.
13Laban in Jacob a sopinu chapaahung lhun ahet chun akimu pinakoi jin achop jeng in chuin a Inlama ahin puilut tai. Hichun Jacobin ima jouse thusim ho chu a seipeh tai.
14Chuin Laban in Jacob hengaaseije, “Nangma hi kagu ka changchule ka phevou mong nahi,” ati. Hichun Jacob chu apu Laban kom’alhakhat sung aum tai.
15Laban in Jacob henga aseiye, “Nangma hi ka Insung mi nahi vang in mohseh a tohman beija na um ding chu adih thei poi, natohman ipi hiding ham neisei peh temin? tin adong tai.” Jacob In Leah Leh Rachel Aki Chenpi
16Laban in chanu ni aneijin, alenjo nu min chu Leah ahin, chule aneojo nu min chu Rachel ahi.
17Ahin Leah mit chu aleng thimin ama vang Rachel chu amelhoijin, amaiso jong lungset a um lhehjenge.
18Jacob’in Rachel chu hatahin adeichat jeh in hitin aseiye, “Keiman nang ding in kum sagi nanei tohsah in lang, na chanu a neojonu Rachel hi keima ji din kipui tangkate,” ati.
19Laban in a donbut’in, “Hitheinante,” ati. “Ajeh chu keimanmidang ho kapeh sanga nangmakapeh ding chu thilphajo ahibouve, Hijehchunkeimakomaumjingtan,” ati.
20Hichun Jacob in kum sagi sungin Rachel man toh kitoh ding inna atong tan, Hinlah Jacob in Rachel angailut behset jeh chun ni chomcha toh abahsah in ahi.
21Chu jouvin Jacob in Laban jaha hitin aseije, “Keiman ka kitepnaho jouse ka subulhit tai, ka jinutun neipe tan ka luppi nom tai,” tinahung thum tai.
22Hichun Laban in jetle veijacheng ule nao jouse akou khom sohkeijin kichen na golvah chu aboltai.
23Hinlah hiche jan ahung thim phat chun Laban in Leah chu Jacob koma aga that lut pehtan, Jacob inhichenu chu alup khom petai.
24Laban in asohnu Zilpah jong chu Leah kithopi a pang ding in apeh tha tai.
25Ahin jingkah matah in Jacobahung kitho leh Leah joh anahin, Jacob in Laban jah a aseiyin, “Ipiiti a hiti a hi neibol hitam? kumsagi nangma noija na kana toh chu Rachel manding a katoh hilou ham? “Ibol a nei jou lhep ham? tin aseiye.
26Laban in a donbut in “Kei hochondana a Unu umpet a hi anaonujinei doh thei lou ahi.”
27Hiche hapta khat sunghi ji neidan hi subu lhit ta din, hiche tengchule Rachel jong ka peh ding nahi, ahin nangman kum sagi ma kananatoh kit ding ahi ati peh e.
28Chuin Jacob in Leah chu haptakhat lhing in a kichen pin hiche jouchun Laban in Rachel jong ajinuding in ape tai.
29Laban’in asohnu Bilhah jongchu achanu Rachel jenle a pangdingin apehtha tai.
30Hichun Jacob’in Rachel jongalup khom pitan, aman Rachelchu Leah sang in hatah in adei jon, hichun Jacob in kum sagi ma Labanna atong kit’in ahi.
31Ahin Pathen in Leah ki hot bolchu a mudoh tan, hijeh chun anaobuahondoh peh in, amavang Rachelchu aching in cha neilou in a um tai.
32Leah vang chu achung agih tan; chapa khat ahing in amin Reubenasah tai, Ijeh in em itile, “Pathen in ka gimna ho eihet pehtai, hiche jeh a hi ka jipan eilungset ding ahitai,” ati.
33Chuin aman nao avop kit inchapa khat ahing kit tai, ajeh chu “Keima eikihot bolhi Pakaiyin ajah doh phat’a chapa hiche jong hi eipeh kit ahiye,” Hijeh a chu amin Simeon asah tai.
34Hichun Leah achung gih in, nao avop kittan ama nun hitin aseije, “Tua pat a hi ka jipa toh thakhat tipum khat kahi lhon ding ahi tai, ajeh chu keiman cha pasal thum ka hin pehtai hichun naosen chu amin chu Levi asah tai.”
35Chu jouvin Leah in nao avop kit in chapa khat ahing in, “Tuchunga vang Pakai ka thangvah na ding ahi,” atin hijeh chun amin Judah asah tai, chujou a pat in vang cha
