SALMOS 143:1-12

¹X̱ana' Dios, benle da' ẕnnia' ḻawo' Le'. Bze nag da' ẕnnabla' Le'. Da gákḻeno' neda' dan' nako' ḻi ḻaže', na' chawe'.

²Bi wchi'a ḻažo'o neda', wen žin chio', ka nak da' nbaga'a, dan' ḻawo' Le' bi zoa no benne' nake' dot ḻi ḻaže'.

³Gokḻen neda' dan' benne' ka' ẕžá'agake' neda' ẕbia ḻáže'gake' neda'. Yeláte'ze ka bétgake' neda'. Béngake' ga naka' ka to benne' ẕde' ḻo da' choḻ kan žak chegak benne' gat ka'.

⁴Že' ḻáẕda'wa' zedḻe'e, na' žak nyache' ḻáže'ḻi'a.

⁵Žejsá' ḻaža'a kan gok ža ni'te. Ẕlab ḻaža'a ka nak yógo'te da' beno'. Žejsá' ḻaža'a ka nak da' ẕente da' beno'.

⁶Ẕchis na'a ḻawo' Le'. Naka' ka to yežlyó biž, ẕbiḻa' Le'.

⁷Da ka' gaze gákḻeno' neda', X̱ana' Dios. Dan' žedó ḻaža'a bi žel-lo' gákḻeno' neda' nich bi gaka' ka to benne' yoe'e yežw ba.

⁸Zildo' ben ga chejsá' ḻaža'a žeyache' ḻáže'lo' benách chio' ka' dan' žx̱en ḻáže'kza' Le'. Bzejní'il neda' ka žaḻa' gona' dan' žak ḻaža'a gona' da' žaz ḻažo'o Le'.

⁹X̱ana' Dios, beslá neda' ḻo na'gak benne' ka' ẕžá'agake' neda'. Ẕzoa kwina' ḻo no'o nich gape chi'ikzo' neda'.

¹⁰Bsedle neda' nich gona' da' žaz ḻažo'o Le', dan' nako' Le' Dios chia'. Bseḻa' Be' La'y chawe' chio' nich chi'e neda' ḻo nez chawe' chio'.

¹¹Nich gak bian' nako' chawe', X̱ana' Dios, ben choch neda'. Dan' nako' chawe', yesló' neda' ḻo da' žak chia'.

¹²Dan' nako' ḻi ḻaže', wžía yi'o benne' ka' ẕžá'agake' neda'. Wžía yi'o benne' ka' žénegekle' wžía yí'gake' neda' dan' naka' neda' wen žin chio'.