SALAMO 143:1-12

¹Iehova e, egu ḡuriḡuri a kamonaia, egu noinoi a hakala henia. Emu heabidadama ai bona emu kara maoromaoro ai ba haere henigu.

²Emu hesiai tauna basio hahemaoro henia, badina be harihari e maurimu tauna ta asi ena maoromaoro oi vairamu ai.

³Badina be inai tauna vada e havagu, egu mauri na tano ai vada e taoa tao, dibura gabuna ai vada e atogu, idau nega masedia na heheto.

⁴Taunabunai laumagu na e mase rea Ialogu ai, bona kudougu na eme hetaha tau-anigu ai.

⁵Sene negana na laloamu, emu kara iboudiai na haerodiamu, imamu karakaradia na haerodiamu.

⁶Imagu na dudui isimu emu ai, laumagu e ranu mase henimumu, tano kaukauna na heto. (Selah)

⁷Iehova e, a haere henigu haraḡa; laumagu na e manokamu. Vairamu na egu ai basio hunia, mase gurina ai e dihomu taudia heḡereḡeredia ai bainala na garina.

⁸Daba ai emu hebogahisi sivaraina baina kamonai, badina be na abidadama henimumu; egu lao dalana ba hadibagu, badina be laumagu na emu ai na abia isimu.

⁹Iehova e, inaigu edia amo ba hamaurigu; oiemu ai vada na roho mauri.

¹⁰Emu ura ikarana ba hadibagu, badina be oi na egu Dirava. Emu lauma namona ese baine hakaugu, dala heinina ai.

¹¹Iehova e, oi ladamu dainai egu mauri ba rauaia, emu kara maoromaoro ai hisihisi amo ba hakaugu lasi.

¹²Emu hebogahisi ai lau inaigu na ba negedia dawe, e tuari henigumu taudia iboudiai na ba habuadia tari, badina be lau na emu hesiai tauna.