SALMOS 140:6-10

⁶Na nimitzilhuijtoc, TOTECO, para ta tinoDios. Techtacaquili quema nimitztzajtzilía.

⁷Ta tiTOTECO Dios, tinotemaquixtijca, ta tijpiya nochi chicahualisti para techmaquixtis. Ta techmocuitahuía quema onca tatehuilisti.

⁸TOTECO, amo xiquincahua ma tatanica nopa masehualme cati amo mitztepanitaj. Amo xiquinpalehui para quisas cuali cati quinequij quichihuase para ma amo mohueyimatica.

⁹Xijchihua para nochi tamanti cati moilhuijtoque quichihuase ma huetzi ininpani. Ma tzontamica senquisa quej quisencajtoyaj nechtzontamiltise na.

¹⁰Ipan inintzonteco ma huetzi ticoli, o xiquinmajcahua ipan tit, o ipan ostot cati tahuel huejcata campa ayecmo huelise quisase.