SALMO 7:6-11

⁶A, Tata Dios, piñakushpa atariy. Favorninipi chikniwak runakunata tinkuysapa. Kanmi rimashkanki mana alli rurak runakunata kastiganaykipa. Chayrayku favorninipi llukshiy.

⁷Tukuy llaktakunata tantanachishpayki paykunata kamachiysapa.

⁸A, Tata Dios, kanmi tukuy llaktakunapi kawsak runakunata willanki allitachu mana allitachu rurashkasapa nishpa. Chayrayku allita rurashpa kawsashkaynirayku willaway allita rurashkaynita.

⁹A, Tata Dios, kanmi allillata rurak kanki. Tukuy runakunapa yuyayninta riksinki. Chayrayku tukuy mana alli rurak runakunata kulluchiy. Ñukaykuna alli rurak runakuna kaptinikuna sinchichiwashpa yanapawaysapa ama uchallikunaynikunapa.

¹⁰Altu sielupi kawsak Tata Dios tukuy alli shunkuyuk runakunata amachan. Chayrayku ñukata amachawan.

¹¹Tata Dios kuskanpi kastigakun. Tukuy tiempu tukuy mana alli rurak runakunata kastigansapa.